The Definitive Guide to Living in the Capital , Cairo , Egypt

بسنت محمد

الدفاع عن النفس هو السلاح الوحيد غير المجرم، علشان تحمي نفسك في الأوقات الصعبة من أي سلوك همجي أو مؤذي ممكن تتعرضي له في أي وقت وأي مكان، وفي العصر ده، مابقاش ينفع نأجل الخطوة دي، ولازم نهتم بتقوية جسمنا زي ما بنهتم بجمال مظهرنا وشكلنا.

علشان كده جمعنا لك أهم 5 أماكن في القاهرة هتعلمك تتدافعي عن نفسك ضد أي خطر.

أكاديمية الأبطال لفنون الدفاع عن النفس

بتعلم التصدي للأسلحة بكل أنواعها، بجانب فنون قتال الشوارع، بتقبل المتدربين من سن 10 لـ 40 سنة، ليها 3 فروع في القاهرة، وسعر الاشتراك بيتراوح ما بين 250 لـ 300 جنيه. ودي الصفحة بتاعتهم.

مركز King fighter لفنون الدفاع عن النفس

بيعملوا دورات تدريبية متخصصة للبنات والسيدات، يقدروا من خلالها يحموا نفسهم من التحرش والخطف. ودي صفحتهم.

أكاديمية Wingfight Egyptian

بتهتم بتعليم أنواع معينة من الألعاب القتالية، اللي بتعتمد على التحكم في النفس وضبط المشاعر والسيطرة على الغضب وقت التعرض للخطر. عنوانهم: شارع عمر بن الخطاب، مساكن المهندسين، مدينة نصر، هتلاقوهم على فيسبوك من هنا.

أكاديمية Kick boxing and fitness

بتضم مدربين على أعلى مستوى من الكفاءة، علشان تزودي لياقتك البدنية وفنون الدفاع عن النفس، بتبقل أعمار بداية من 4 سنين، عندهم فرعين في التجمع الأول والخامس. كل التفاصيل هتلاقوها هنا.

Boxing gym أكاديمي

المكان مجهز بأحدث الأجهزة، وصالة كيك بوكسينج وحلبة ملاكمة وصالة خاصة للسيدات، تحت إشراف مدربين معتمدين بالاتحاد المصري، لجميع الأعمار “أطفال – سيدات”. عندهم فرع في حدائق الأهرام شارع جامع العوضي، وفرع في التجمع حي النرجس خلف فندق تيوليب. دي صفحتهم.