The Definitive Guide to Living in the Capital , Cairo , Egypt

شرب القهوة مزاج وحالة، وما بين ضحك وجد وحب دايمًا هتكون موجودة، وفيه اللي بيشربها لدماغه، واللي واخدها كتاب لأفكاره، واللي بالنسبة له صحيان من نومه، واللي بيتريق عليها واللي بيغني لها، وشوية بيقدسوها وتانيين بيكرهوها، كل دا مش مهم، المهم أن النهاردة هنقولكم على 7 فوائد لشرب القهوة واللي نشرها موقع “ويرور كوفي”، بمناسبة اليوم العالمي للقهوة.

1- لما تشرب فنجان قهوة واحد قبل التمرينات الرياضية ده هيعزز الأداء البدني بنسبة تصل لـ12%.

2- القهوة بتحتوي على الماغنيسيوم والبوتاسيوم اللي بيساعدوا الجسم على إنتاج الأنسوليبن وتنظيم مستوى السكر في الدم.

3- القهوة فيها كافيين وبالتالي ده بيساعد على حرق الدهون الزائدة، وكمان الكافيين بيساعد على تحسين اليقظة العقلية.

4- الدراسات أوضحت أن نسبة الموت المبكر بيصاب بيها اللي مابيشربوش قهوة أكتر من اللي بيشربوها بنسبة 25%.

5- وكمان القهوة بتساعد على تقليل خطر الإصابة بسرطانى البروستاتا للرجال بنسبة 20%، وسرطان بطانة الرحم للسيدات بنسبة 25%.

6- شرب القهوة بمعدل 2 إلى 4 مرات يوميًا بيقلل من خطر الإصابة بالسكتة الدماغية.

7- القهوة بتحمي الجسم علشان بتحتوي على مضادات الأكسدة اللي بتحميه من الأمراض والبكتيريا الضارة.