عادات يومية علشان تحافظي على بشرتك في الحر
الاستحمام الحر الحفاظ على البشرة تناول المياه درجة الحرارة مشاكل البشرة نصايح طبية نصايح للبشرة
Cairo 360
درجة الحرارة النهارده 37، والأرصاد بتقول إن الفترة الجاية هتكون حر جدًا، وعلشان كدة هنتكلم معاكم على شوية نصايح مهمة للحفاظ على البشرة، وحمايتها في فترات الحر الشديد.
النصايح دي أكدتها الدكتورة نهي رشوان استشاري الأمراض الجلدية لموقع اليوم السابع، وهي:
– من أهم النصايح تناول كمية كافية من الماء خلال اليوم، بهدف ترطيب بشرتك وجلدك، وعلشان كدة لازم تشربي 3 لتر من الماء يوميًا.
– لازم كمان تهتمي بتناول الفيتامينات اللي بتحتوي علي نسبة عالية من مضادات الأكسدة، لإنها بتحافظ علي صحة بشرتك.
– وعلشان تحافظي علي بشرتك لازم تتخلصي من الجلد الميت عن طريق عمل “إسكراب” أو تقشير لها، من خلال استخدام بعض الكريمات الخاصة بده.
– لازم تكتري من تناول الخضروات والفواكه اللي بتحتوي علي نسبة عالية من مضادات الأكسدة خصوصًا اللي فيها فيتامين سي، لحصول البشرة علي الكولاجين اللي بتحتاجه.
– كمان الاستحمام يوميًا بالماء الفاتر من الحاجات المهمة جدًا للتخلص من العرق الزائد.
– وأخيرًا لازم تتجنبي النزول أثناء سطوع الشمس، على قد ما تقدري، لأنك بالطريقة دي هتفقدي كتير من العناصر التي بيحتاجها الجسم، بالإضافة إلي فقدان رونق البشرة، وحاولي النزول دايمًا بعد غياب الشمس.
