رغم التلوث وعوادم العربيات… 6 نصائح مهمة لحياة بدون أمراض في القاهرة
أضرار السكريات أكل صحي الحياة في القاهرة الدهون تجنب التدخين حافظ على صحتك حياة صحية رياضة
Cairo 360
القاهرة فيها حاجات حلوة كتير.. لكن كمان فيها مشاكل كتير.. أحيانًا بتكون مدينة متعبة.. الحياة فيها مش سهلة.. لازم نعترف بده.. تراب.. تلوث.. قمامة.. وعوادم عربيات.. ومشاكل أكتر.. وعلشان كده مهم نتكلم معاكم عن مجموعة نصائح مهمة لحياة صحية في القاهرة.
مهم نعرف إننا بنقوم بشوية حاجات غلط في حياتنا اليومية، وده بيعرضنا لكتير من المشاكل الصحية، وبيخلينا أكثر عرضة للأمراض، ومنها نوعية الطعام مع المشى فى شوارع مش نظيفة، بالإضافة إلى اتباع بعض العادات غير الصحية زي التدخين.
ومؤخرًا موقع اليوم السابع نقل نصائح مهمة عن الدكتور محمد حلمى استشارى السمنة والنحافة، اللي وضح إن فيه بعض العادات اللي لازم على الأشخاص اتباعها للحد من الإصابة بالأمراض، والحفاظ على مناعة قوية ضد الأمراض، ومنها:
– الغذاء السليم الغني بالفيتامينات والمعادن وهي العناصر الغذائية اللي محتاجها الجسم، من مضادات أكسدة وفيتايمن “سى” و”ب”، وعنصر الحديد والزنك، والعناصر دي متواجدة وبنسب كبير فى الخضروات والفواكهة، علشان كده خليها من أساسيات يومك.
– الرياضة وممارستها من أهم الحيل للتخلص من الدهون المتراكمة فى الجسم، ولشد العضلات، وتنشيط الخلايا وتجديدها، علشان كده عليك تنفيذ النصيحة دي 4 أيام فى الأسبوع.
– الماء علاج من كل داء، اشربه بشكل دائم، لإنه مهم جدًا لصحتك، ولازم تشرب يوميًا 2 لتر على الأقل.
– التقليل من الحلويات والسكريات، لأنها بتساهم بشكل كبير فى زيادة نسبة الدهون بالجسم.
– تجنب الجلوس مع الأشخاص المدخنين.
– بلاش تستهون بالنوم، لإن النوم الجيد بيساوى حياة أفضل.
