دليلك للاحتفال بشم النسيم في رمضان 2023
الاحتفال بشم النسيم شم النسيم 2023 شم النسيم في رمضان نصائح صحية في شم النسيم
Cairo 360
نقلًا عن كلام القاهرة
من سنين طويلة، واحتفالات المصريين بشم النسيم غير، بيض ملون ورنجة وفسيخ عليهم عصرة ليمون تاخدك لعالم تاني. لكن السنة دي احتفالنا بأعياد الربيع، هيكون مختلف شوية، علشان بيصادف شهر رمضان.
في السطور الجاية هنقول لكم إزاي تحتفلوا بشم النسيم بأمان في رمضان.
1- لون البيض بألوان طبيعية أو الصق عليه أوراق ملونة، وبلاش الألوان الصناعية خالص.
2- ماتكترش من تناول البيض، بيضة واحدة في اليوم على السحور مثلًا كفاية.
3- استبدل الأسماك المملحة “الفسيخ والرنجة” بالسمك المشوي أو المقلي حسب رغبتك.
4- اعمل طبق السلطة مليان خضروات ملونة هيمدك بالفيتامينات والمعادن، مهم كمان تاكل الفواكه الغنية بالمياه أو تشربها عصير.
5- اشرب مياه كتير في الفترة ما بين الفطار والسحور، علشان تضمن جسمك يكون مترطب من الداخل.
6- لو حابب تاكل حاجة حلوة، ممكن تاكل تمر أو دارك شوكليت، أو قطعة من حلويات رمضان.
7- اخرج شم هواء مع عيلتك أو صحابك، أو اتمشى في وسط الطبيعة لمدة 30 دقيقة على الأقل، نفسيتك هتبقى أحسن وهتحس بجمال الربيع.
