The Definitive Guide to Living in the Capital , Cairo , Egypt

كلنا محتاجين شوية دلع وانبساط بين كل وقت والتاني. بس السؤال دلوقتي: فين المكان اللي تروحه بنت مصرية لطيفة نفسها في مانيكير/باديكير حلوين في القاهرة؟كلنا كمان عارفين إن الطلاء بالجيل صعب نلاقيه وأصلًا مين عندهالمبة تجفيف أظافر LED في البيت؟ عشان كده قررنا نكسر حصالاتنا ونطلع على جوي بيوتي صالون في شارع 199 المعادي.

الأحسن إنك تحجزي معاد قبلها، بس مفيش مشكلة لو مفيش حجز على شرط تروحي بدري زي ما إحنا عملنا (11.30 صباحًا). جوي بيقدموا مجموعة من علاجات الوش (الحماية من التجاعيد، تفتيح البشرة وغيرهم)، ومانيكير جيل وأكريليك وباديكير بزيادات للأظافر أو من غيرها وخدمات السبا المختلفة (مساج بالحجر الساخن –إزالة شعر بالشمع/الليزر –تقشير – حمام مغربي وغيرهم).

 قررنا نعمل جيل مانيكير.جوي وهي مالكة المكان طلبت منا نقعد على واحد من الثلاث أماكن المخصصة للعناية بالأظافر المجهزة بمبارد ولمبات LED لتجفيف الأظافر ومناديل كحولية وبدأت تفحص أظافرنا بعناية. في الأول ضغطت على كل ظفر عشان تشوف قوة تحمله. إحنا كنا عايزين نركب تطويل للأظافر بس جوي كان رأيها مختلف عشان شايفة إن أظافرنا قوية والتطويل ممكن يأثر عليهم. صراحة جوي أسعدتنا، خصوصًا إن التكلفة كانت هتبقى أعلى ( ٢١٠ جنيه بالتطويل و١٤٠ جنيه بدون).

اختيار اللون كان في منتهى الصعوبة عشان جوي عندها ألوان كتير جدًا! عرض الألوان كان عبارة عن أظافر صناعية مطلية بألوان مختلفة ومرصوصة على لوحين مقسومين صفوف (حوالي 120 لون تقريبًا) ومنهم ألوان مخلوطة بالجليتر، وكلها مستوردة من الصين وأمريكا. إحنا عن نفسنا اخترنا درجة لون التوت البري.

بعدها بدأت تنظيف أظافرنا بالكحول واشتغلت بمبرد لصنفرتهم. بعد كده بدأت طلاء الأظافر بطبقة طلاء وبعدها أضافت أول طبقة من الجيل. ما بين كل مرة بتحط فيهم الطلاء كانت بتهتم إنها تنظف الظفر بالكحول عشان يفضل ناعم ومن غير تراب. واضح إن النظافة مهمة جدًا في جوي بيوتي صالون.

ومع كل طبقة طلاء كانت جوي بتحط أيدينا تحت لمبة LED اللي بتنشف الطلاء خلال 60 ثانية. إجمالي الطبقات كانوا 6؛ الطبقة الأساسية وبعدها ثلاث طبقات جيل ملون وطبقتين شفافين، والملاحظة إن بعد ما خلصت محسيناش بثقل أو لزوجة، والطلاء كان متماسك وتحسه طبيعي، وطبعًا بيلمع. عشان التأكد من الطلاءجوي كانت بتمسحبزيت OPI cuticle oil على الأطراف.

جوي من إعجابها بنتيجة شغلها قررت تنزل الصور على صفحة الصالون على إنستجرام وكانت سعيدة وهي بتلعب دورمصورتنا الشخصية.وزي ما وعدتنا، المانيكير فضل موجود عشرة أيام، وبدأ يفقد بريقه في اليوم السابع. لازم كمان نقول إن الطلاء فضل متماسك حتى مع استخدام المبرد.

التجربة بشكل عام أكيد ممتازة بالمقارنة مع صالونات التجميل في مصر. الأسعار تتراوح بين 70 جنيه (مانيكير تقليدي) لغاية 500 جنيه (إبر تفتيح البشرة)، والأسعار تعتبر غالية شوية لو هنقارنها مع الصالونات العادية، بس جودة منتجاتم وشغلهم الدقيق يستاهلوا. جوي تعاملت مع أظافرنا بكل حرص وكانت مركزة جدًا وهي بتبردهم، وكمان بتجاوب على كل أسئلتنا قبل ما نزورها (لدرجة إنها بعتت لنا صور!)