جوائز كايرو 360 لأفضل أماكن الصحة واللياقة والجمال
Cairo 360
زمان جدًا أهالينا ماكنوش بيحتاجوا يعملوا رياضة، لأن حياتهم اليومية كانت رياضة في حد ذاتها سواء من أعمال البيت أو المشي في أغلب المشاوير، لكن مع تطور الوقت وإنشغال الناس وسهولة الانتقالات مع الأكل السريع بدأت تنتشر ثقافة الجيم. وفي نفس الوقت برضه من الإرهاق في الشغل وصعوبات الحياة اللي بتتعرض لها المرأة أثرت على بشرتها واهتمامها بجمالها فظهر السبا. وكعادة موقع كايرو 360 الخدمي أخترنا لكم الأفضل لعام 2017 سواء في الصحة واللياقة أو في الجمال والإعتناء بالبشرة.
من أكبر الأسماء ما بين منافسيه وسبب شهرته وسمعته الطيبة أنه بيقدم أفضل أجهزة تمارين، كمان متواجد في أماكن مميزة تفتح نفسك على الرياضة.
هيرز جيم برعاية Reebok، فيه كل اللي هتحتاجه المرأة من صالون تجميل وعناية بالأظافر واهتمام باللياقة والجمال، ده غير Classes الزومبا والأيروبكيس اللي بيكسروا ملل الرياضة.
مشهور في المعادي ومعروف أنه بيوفر لك أفضل معدات ومدربين محترفين خاصة لك علشان ينظموا لك جدول تدريباتك، يعني هتعمل فورمة الصيف هتعملها مافيش مفر.
متجاهلين فكرة الجيم المفتوح طوال اليوم ومستخدمين نظام دائري، كيرفز بيوعدك بنتائج مختلفة من مجرد 30 دقيقة تدريبات، في مدينة زي القاهرة دي تعتبر فرصة ذهبية، أوعى تضيعها.
جيم معاصر بيهتم بشدة باللياقة وبيقدم تدريبات مختلفة ومتنوعة تحت إشراف مدربين متخصصين، ده غير الـ Classes المميزة اللي بيقدمها في كل فروعه.
يعتبر صفقة متكاملة، لما أفضل معدات تتجمع لك مع أحسن فريق ودود في معاملته وتعاونه، غير الدلع من المكان في العروض، يبقى أكيد المكان ده لا يقاوم.
بيقدم لك تجربة متميزة علشان تناسب احتياجك الشخصي وشكل جسمك اللي محتاج تظبطه علشان تلفت الأنظار طول الوقت.
بول فيت إيجيبت – Pole Fit Egypt
أنك تقدم رياضة زي Pole Fit فى مصر ده تحدي مش سهل خاصة لما تبقى بتنشر ثقافة الرقص على عمود من بنات لبنات فقط ده بيخلي الرياضة ممتعة أكثر ومسلية، وكمان بيقدموها بشكل يبني لياقة للجسم مش رقص بس.
من الأماكن اللي سمعتها دائمًا سابقاها مش بس لأنها بتساعد في نشر ثقافة بنى الجسم صح سواء بالأكل الصحي أو بالتمارين المناسبة، لكن كمان الـ Events اللي المكان بيعمله كل فترة والتانية بيساعد أنه يعلي من الروح التنافسية للمشاركين ده غير طبعًا الـ classes اللي ما تتفوتش من مدربين محترفين عارفين هم بيعملوا إيه.
مش أي حد يمارس رياضة الـ Cross Fit زي ما مش أي حد بيدي نصائح تساعد جسمك أنه يبني عضلات بشكل سليم وده اللي بيقدمه بشكل عصري فيت بوكس.
بعد انتشار فكرة الرقص على عمود للبنات فقط واستحسانها، ظهر بروجكت بول في المعادي اللي بيقدم تجربة التدريب باحتراف لا يمكن تتنسى.
من الأماكن اللي بتقدم روح مختلفة للـ Cross fit، مش هتقدر تقاوم انتعاشك بعد التمارين وهتبقى عاوز تكررها تاني بس أول ما تاخد نفسك.
أوسانا فاميلي ويلنيس – Osana Family Wellness
أشبه بمنتجع صحي فيه كل اللي يحسسك بالراحة النفسية ويخلي روحك وجسمك خفاف سواء بسبب الـ Classes أو الجدول اللي بيبدأ من 6:30 الصبح.
مابين دروس الدفاع عن النفس واليوجا نون سنتر بتتميز بالتنوع والمرونة، وفي الأغلب أي حاجة هتحب تتعلمها هتلاقيها هناك وبطريقة مبتكرة.
مودرا يوجا ستوديو – Mudra Yoga Studio
أما لو بتدوروا على مكان تنسوا فيه همومكم وتسترخوا على الآخر فمافيش أفضل من مودرا تتعلموا فيه أساسيات اليوجا والصفاء النفسي.
أما لو عاوزين حاجة تتعمل مضبوط وزي ما الكتاب بيقول، صالون أحمد وعبده، بيقدم لكم خدمة كلاسيكية علشان تاخد للحاجة اللي أنت طالبها بالضبط من غير إفتكاسات.
أما لو تحبوا تجربوا تسريحات شعر جديدة، وتتعاملوا مع محترفين متدربين في أفضل المراكز العالمية، يبقى توا هو المكان المناسب ليكم في الزمالك.
الفخامة والاحترافية والذوق العالي هي السمات الأساسية اللي بتميز ذا سبا في فندق كامبنسكي، واللي بيتسخدموا مستخضرات مميزة عضوية.
في سوفتيل الجزيرة في الزمالك هيحقق لك حلم أنك تستجم في حمام السباحة مع منظر النيل، ده غير طبعًا الخدمات المتنوعة اللي بيقدمها، باختصار أنت تحلم وهم هيحققوا لك الحلم.
للناس اللي بتحب تدلع نفسها ذا نيل سبا في المهندسين مجمع كل أدوات الدرع والحركات اللي طالعة موضة جديدة علشان يوفر جو من الرفاهية والتميز لكل اللي بيروحوا له.
لو عاوز تعيش تجربة آسيوية مالهاش زي، وتجرب أنواع ماساج مختلفة وممتازة، يبقى عليك وعلى إندرا داي سبا، صدقنا هتعيش تجربة فريدة.
سبا فور سيزونز نايل بلازا – Four Seasons NilePlaza
إيه رأيك تستمتع بوقتك وتسترخي قدام منظر النيل الرائع، وكمان تتمتع بمقبلات خفيفة مالهاش زي، سبا فور سيزونز نايل بلازا بيوفر لك تجربة فريدة من البداية للنهاية.
جميل أن من وقت للتاني نكافئ نفسنا بأننا نعمل لها حاجة بتحبها، وده اللي حصل لنا بالضبط مع لا كوب، اللي خدمته ممتازة وسريعة ومرضية لأقصى درجة.
عاوز تروح مكان سريع وجديد وأسعاره معقولة، كريس في المهندسين هيحقق لك كل أمنياتك.
مانويلا تاي سبا – Manuela Thai Spa
سبا للسيدات بس وفيه مزايا ثانية كثير زي الماساج وعلاج البشرة وكل اللي تحتاجيه علشان تحسي بالإشراق والحيوية.
محمد الصغير – Mohamed Al Sagheer
ملوك التسريحات الجديدة والإلتزام بالمهنية والاحترافية، أكيد ماحدش يقدر ينكر تميز محمد الصغير في كل فروعه وحفاظه على سمعته وتكبيره لمحله لحد بقى من أشهر سلاسل محلات التجميل والصالونات في مصر.
وبرغم أن كل الأماكن اللي فاتت خاصة بالسيدات إلا أن المكان ده خاص بالرجال، اللي بيحبوا يوفروا لنفسهم تسريحات مختلفة وذوق مميز.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
