The Definitive Guide to Living in the Capital , Cairo , Egypt

ناس كتير بتحلم بوزن مثالي، خصوصًا مع انتشار السمنة اللي اتحولت لداء العصر ده، وما بين عمليات شفط دهون، وأنواع صعبة من الريجيم، ناس كتير ماتعرفش إن الحل ممكن يكون في أنواع معينة من الفواكه.. أيوة.. الفواكه هي كلمة السر.

شوف يا سيدي! موقع “فوود ورلد”، عرض مجموعة من الفواكه اللي بتساعد الجسم على حرق الدهون، والمحافظة على قوام صحي، تعالوا نعرف الفواكه دي مع بعض بحسب تقرير لصحيفة الشروق:

البرتقال

غني بفيتامين ج، اللي بيساعد على تعزيز عملية التمثيل الغذائي في الجسم، وتسريع العملية بشكل أكبر. وبينصح للمتقدمين في السن تناول البرتقال بشكل أكبر، خصوصًا لو كانت أنشطتهم الرياضية قليلة.

الفراولة

مافيش مصدر للألياف والعناصر الغذائية أفضل من الفراولة، وده لإنها بتحتوي على نسبة عالية من الألياف اللي بتحافظ على بطنك شبعانة بين الوجبات، علشان ماتحسش بالرغبة في تناول وجبة خفيفة بين وجبة والتانية.

العنب

بيحتوي العنب على نسبة عالية من الألياف بتحسس الإنسان بالشبع، وبيحتوي كمان على سكر أقل من الفواكه التانية. كمان بيحتوي العنب على مضادات أكسدة قوية اسمها بوليفينول، وهي جيدة جدًا للبشرة.

التفاح

واحد من أكثر المصادر الغنية بالألياف الموجودة في الطبيعة، على اعتبار أن الألياف بتلعب دور رئيسي في التقليل من الدهون، خصوصًا في منطقة البطن اللي بيزعج انتفاخها كتير مننا.

الموز

ممكن تكون سمعت أن الموز بيحتفظ بالدهون في البطن، لكن ده مش صحيح، والصح إن الموز خيار رائع في الإبقاء على حالة الشبع لفترات طويلة. كمان الماغنسيوم والبوتاسيوم اللي موجود فيه بيساهم بشكل كبير في حل مشكلات الهضم والانتفاخ.

الشمام

بيحتوي على عناصر مضادة للالتهاب، وبيسمح الالتهاب الداخلي إنه الدهون تبقى أكتر انتشارًا في أجسامنا. كمان بيحتوي الشمام على مضادات أكسدة بتساعد في التخلص من السموم الداخلية.

الجريب فروت

فيه أبحاث أظهرت إن تناول نصف حبة من الجريب فروت قبل الوجبات بيقلل الدهون في البطن.

الكمثرى

الكمثرى غنية بالألياف والبوتاسيوم، وده بيخليها فاكهة مناسبة لملء المعدة بسرعة، وبالتالي تناول كميات صغيرة من الطعام. كمان هي مفيدة في مكافحة الانتفاخ والسيطرة على مستويات الكوليسترول.

الرمان

أظهرت الدراسات أن مضادات الأكسدة الموجودة في الرمان بتساعد في تعزيز عملية التمثيل الغذائي. كمان الرمان بيعتبر خيار مناسب لخفض الشهية، وده بيخليه مشروب مثالي في وجبة الإفطار.

البطيخ

على الرغم من احتوائه على مستويات عالية من السكر، الماء الموجود في البطيخ بيشتغل كمسكن لتحييد آثار السكر. وللاستمتاع بفوائده الصحية، ممكن وضع البطيخ في أنواع السلاطات المختلفة، زي سلاطة الجبنة.