The Definitive Guide to Living in the Capital , Cairo , Egypt

بيحتفل العالم النهارده الخميس، باليوم العالمى لليوجا، وبيشارك الملايين من البشر فى ممارسة الرياضة الجميلة دي، وشعار اليوم العالمى لليوجا 2018 هو “اليوجا من أجل السلام”.

ورياضة اليوجا هى ممارسة جسدية وعقلية وروحية قديمة خرجت من الهند، وكلمة “يوجا” مشتقة من اللغة السنسكريتية وتعنى الانضمام أو التوحد، وبترمز إلى اتحاد الجسد والوعى، والنهارده بتمارس الرياضة دي فى أماكن كتير جدًا في عالمنا.

وطبعًا القاهرة فيها أماكن كتير بتعلمك اليوجا.

ونقدر نقول إن رياضة اليوجا أحد أكبر الصادرات الثقافية للهند، اللي غزت العالم كله، واليوجا هى رياضة الجسم والعقل، بتمتد لأصول تاريخية قديمة فى الفلسفة الهندية، وبتختلف أنماط اليوجا التى تجمع بين تقنيات التنفس، والاسترخاء، والتأمل، والحركات الجسدية.

والهدف النهائي من الرياضة دي هو تحسين السيطرة على العقل، والجسم، والحصول على الراحة.

وكشفت “منظمة الصحة العالمية” أن ممارسة رياضة “اليوجا” بصورة منتظمة، بتساعدنا على الحصول على صحة جيدة. واليوجا بتشتغل على تحسين لياقة العضلات ووظائف القلب، وبتعزز من صحة وظائف العظام، وبتمنع الإصابة بالاكتئاب وبتحافظ على الصحة العقلية، ده غير إنها بتقلل مخاطر الأمراض غير المعدية زي ضغط الدم، والسكتة الدماغية، والنوبات القلبية ومرض السكر.

حافظ على صحتك العقلية والنفسية والجسدية والعب يوجا.