انسى الدنيا.. أفضل فيديوهات مجانية لتعليم “اليوجا”
انسجام تأمل تدريب رياضة رياضة اليوجا فن اليوجا فيديوهات لتعليم اليوجا قنوات مجانية لليوجا يوجا يوغا
Mohamed Talaat
اليوجا، هي رياضة مهمة جدًا بتعتمد على التأمل، ظهرت من آلاف السنين، وانتشرت في كل بقاع العالم، بسبب قدرتها على تصفية الذهن وعلاج التعب الجسدي، ولو حبينا نعرف اليوجا في جملة بسيطة، نقدر نقول إنها رياضة الجسم والعقل.
واليوجا لها أنماط كتير بتجمع بين تقنيات التنفّس والاسترخاء والتأمّل والحركات الجسدية، وهي بتحسن السيطرة على العقل والجسم للحصول على الراحة.
في الموضوع ده هنعرفكم على أفضل فيديوهات هتعلمكم إزاي تمارسوا اليوجا في البيت.
جوهرة المعرفة
هي قناة بتساعد على الاسترخاء وتصفية الذهن من خلال تمارين مختلفة من ضمنها “اليوجا”، وبيقدموا تمارين بسيطة وخفيفة للمبتدئين علشان يقدروا يمارسوا اليوجا في البيت، وتقدروا تشوفوا واحد من أهم فيديوهاتهم من هنا.
Tawazon
من خلال فيديو التأمل هتقدروا تعرفوا كل حاجة عن “اليوجا” علشان تبدأوا تمارسوها، بداية من الجلوس وطريقة التنفس وعمل توازن نفسي وجسدي، وعلشان تتعرفوا أكتر على الطريقة شوفوا الفيديو من هنا.
Shadana Yoga شدانا يوغا
هي قناة متخصصة بالكامل لممارسة “اليوجا”، والمدربة شدانا مؤسسة القناة بتقدم فيديوهات مختلفة عن اليوجا لاستخدامها في راحة الجسد وكمان الصفاء الذهني والنفسي، وتقدروا تتعرفوا على تدريبات المبتدئين من الفيديو ده هنا.
Yasmina
القناة بتقدم تدريبات يوجا للمبتدئين مع المدربة دوريس، والفيديوهات بتهدف لعمل توازن متكامل بين الجسد والعقل من خلال تمارين مختلفة تقدروا تشوفوها من هنا.
Ghazal I
بتقدم تمارين “اليوجا” للأطفال بشكل مبسط، وبطلة الفيديوهات هي الطفلة غزال، اللي بتعرف الأطفال إزاي يقدروا يعملوا تمارين يوجا في البيت بشكل سلس وبسيط، وتقدروا تشوفوا الفيديو من هنا.
مقترح
معالم وسياحة
متحف الصيد: مغامرة في قلب القاهرة هتاخدك لعالم الأدغال
تاريخ مصر حيوانات محنطة +7
أفلام
