Mohamed Talaat
أعلنت اللجنة المنظمة لبطولة كأس الأمم الأفريقية إطلاق موقع “تذكرتي“. اللي تقدر من خلاله تحجز تذاكر مباريات كأس الأمم الأفريقية. ولكن فيه مجموعة خطوات لازم تنفذها قبل الحجز وهي:
أولًا لازم تعمل Fan ID. وده إجباري للمصريين والأجانب. وتختار المشجع إما مصري أو أجنبي. بعد كده اللغة والبريد الإلكتروني ورقم الهاتف. بعدين بيرسل الموقع كود تفعيل يتم من خلاله تأكيد اشتراكك.
بعد كده بيتم إدخال البيانات الشخصية الخاصة بالمشجع، مع اسم الأم، وفصيلة الدم والجنس.
كمان بيتم كتابة الرقم القومي، ورفع صورة للبطاقة وصورة شخصية واضحة للمشجع. وبعد الموافقة على الخطوات، تقدر تاخد التذاكر اللي عايز تحجزها.
أما تذاكر المباريات فيتم حجزها حسب رغبتك. عند دخولك للموقع اضغط على “purchase tickets”. هيتم عرض المباريات بمختلف الملاعب، وممكن تختار عن طريق الفريق أو الملعب. وبعدها هتختار كل مباراة محتاج تحضرها وتضغط على “book ticket”.
لما بتطلب التذكرة بيطلب منك حساب Fan ID والباسوورد. بكده بيتم حجز التذكرة والدفع بطريقة الدفع المختارة.
أما أسعار التذاكر لمباريات مصر في كأس الأمم الأفريقية هتكون الدرجة الثالثة 150 جنيه – الدرجة الثانية 400 جنيه – الدرجة الأولى 600 جنيه – الأولى العلوية 500 جنيه – المقصورة 2500 جنيه.
أما باقي المباريات فسيتم طرح التذاكر بأسعار: الدرجة الثالثة 100 جنيه – الدرجة الثانية 300 جنيه – الدرجة الأولى 500 جنيه.
