The Definitive Guide to Living in the Capital , Cairo , Egypt

من وقت ظهور فيروس “كورونا” المستجد وانتشاره على مستوى العالم، ظهرت شائعات كتيرة جدًا عن علاجات بدائية بتقتل الفيروس وبتعالج المصابين، ولكن أغلب الشائعات دي بتكون بدون سند علمي أو طبي.

ومن ضمن الشائعات اللي انتشرت بدرجة كبيرة في مصر، هي إن الغرغرة بالخل أو الماء مع الملح، بتحمي الإنسان من الإصابة بـ “كورونا”، ورغم أنه ده مفيد في حالات تانية إلا أنه علميًا وطبيًا مافيش إثبات على قتل التركيبة دي لفيروس “كورونا” المستجد.

ومؤخرًا ردت منظمة الصحة العالمية على الشائعة دي من خلال بيان رسمي نشرته وكالة رويترز العالمية، قالت فيه أنه مافيش دليل أن المياه المالحة ممكن تقضي على فيروس “كورونا”، ولكن فيه أدلة تانية ومحدودة أن شطف الأنف باستخدام محلول ملح ممكن يساعد على الشفاء من نزلة البرد أسرع من المعتاد.

كمان أطباء في معهد جونز هوبكنز الصحي وضحوا أن الغرغرة بالماء المالح مش بيساعد نهائيًا على قتل الفيروسات التاجية، اللي من ضمنها “كورونا”، بالرغم من أن المياه بالملح أثبتت فاعلية في علاج التهاب الحلق، ولكن التهاب الحلق مش من الأعراض الأكثر شيوعًا اللي بتظهر على مريض فيروس “كورونا”.

طب تعمل إيه لو حسيت إن عندك أعراض “كورونا”؟ ببساطة تروح أقرب مستشفى ليك، أو تتصل برقم 105 من أي تليفون أرضي.