أظافر على الموضة في العيد؟ 5 صالونات لازم تزوريها!
أظافر العناية بالأظافر العيد الموضة بديكير تجميل خروجات صالونات تجميل مناكير
Cairo 360
رنا شرف
الصورة الرئيسية: DESIGNECOLOGIST
العيد قرّب، وكلنا عارفين إن الخروجات والسفر بيزيدوا في الوقت ده، وطبعًا مافيش حاجة تكمل اللوك بتاعك زي ضوافر مترتبة وأنيقة. عشان كده جبنالك 5 أماكن مميزة هتخلي ضوافرك في قمة الشياكة!
1- The Nail Factory
لو إنتِ في الزمالك وبتدوري على مكان مميز، The Nail Factory هو المكان المناسب ليكي! متخصص في كل أشكال الضوافر التريندي ودايمًا متابع أحدث الصيحات، فمهما كانت فكرتك، هتلاقيها هناك!
اعرفي أكتر عن المكان من حسابهم على إنستجرام.
2- Emma Spa
في قلب الشيخ زايد، Emma Spa مش بس مكان لضوافرك، لكنه كمان سبا متكامل! يعني تقدري تعملي ضوافرك، وتاخدي جلسة مساج مريحة في نفس الوقت.. رفاهية على الآخر!
اعرفي أكتر عن المكان من حسابهم على إنستجرام.
3- L.A Nail
لو في المعادي، لازم تزوري L.A Nail في دجلة، مش بس هيظبطلك ضوافرك، لكن كمان بيعمل خدمات تانية زي تركيب الرموش والبديكير، يعني تجربة متكاملة لجمالك!
اعرفي أكتر عن المكان من حسابهم على إنستجرام.
4- Juliana’s Beauty Bar
مكان في مصر الجديدة والتجمع، مش بس لضوافرك، لكنه كمان بيهتم بجمالك من الألف للياء! من الميكب، لتنضيف البشرة، للرموش، وكل حاجة تخص العناية بنفسك.
اعرفي أكتر عن المكان من حسابهم على إنستجرام.
5- Nour Nails
لو عاوزة ضوافرك تكون على الموضة، Nour Nails في التجمع والشيخ زايد هو المكان اللي لازم تجربيه! بيقدم ألوان وأشكال تحفة تخلي ضوافرك تلمع بستايل عصري ومميز.
اعرفي أكتر عن المكان من حسابهم على إنستجرام.
