The Definitive Guide to Living in the Capital , Cairo , Egypt

النهارده حصل تطور متعلق ببرنامج رامز جلال اللي بتعرضه قناة إم بي سي مصر يوميًا “رامز تحت الأرض”، والسبب أن لجنة الخبراء بمحكمة القاهرة الاقتصادية قررت النهارده الخميس، فحص الحلقات الأولى من البرنامج لإصدار قرارها النهائي فى إيقاف البرنامج أو عدمه، وده بعد دعوى مقامة ضد البرنامج بتتهمه بأنه مسروق بالنص من برنامج تاني اسمه “رمال متحركة”.

صاحب الدعوى المقامة ضد برنامج “رامز تحت الأرض”، اللي بيعرض خلال شهر رمضان، هو المؤلف أمين جمال عبد الفتاح، واللي سبق وشارك في تأليف مسلسل فوق مستوى الشبهات، أمين اتهم فريق رامز تحت الأرض بأنهم سارقين فكرته المتمثلة فى برنامج “رمال متحركة”، وقال أن فكرته تم توثيقها وحمايتها قانونيًا، وطالب بإيقاف عرض البرنامج.

فالمحكمة هتتفرج النهارده على كل الحلقات اللي تم عرضها من “رامز تحت الأرض” وهتقارنها بسكريبت برنامج “رمال متحركة” وبعدها هتصدر قرارها النهائي.