اظبط ساعتك: برامج الساعة 10 على تليفزيون النهار
Cairo 360
شبكة تليفزيون النهار متميزة دايمًا بتقديم كل جديد في عالم الكوميديا والضحك. ولو اتفرجت على برامجها مستحيل تغير المحطة. تعالوا نتعرف على مجموعة من برامج المميزة واللي بيجمع بينها أنها كلها بتعرض الساعة 10 مساء على شبكة تليفزيون النهار:
آخر الليل مع هشام منصور
بعد ما حقق مشاهدات عالية جدًا على يوتيوب وشبكات التواصل الاجتماعي، هشام منصور بشكل حصري ولأول مرة على تليفزيون النهار في برنامج “آخر الليل مع هشام منصور “. واللي بيناقش قضايا المجتمع بطريقة شبابية جديدة. وبينتقد العادات والتقاليد اللي مش مناسبة لوقتنا الحالى. وكمان بيقدم وجهات نظر ساخرة لإصلاح المجتمع. واللي بيتعرض الأحد.
الفرنجة – الموسم الرابع
الثلاثي الرائع أحمد فهمي وشيكو وهشام ماجد، مستمرين بنجاح في تقديم الموسم الرابع من “الفرنجة”. ونقد ساخر وكوميدي لسلوكيات المصريين الخاطئة، ومقارنتها بعادات بلاد الفرنجة. مع استضافة ضيف جدد كل مرة، علشان يتكلم عن السلوك الخاطيء الخاص بالحلقة. واللي بيتعرض الخميس.
SATURDAY NIGHT LIVE بالعربي: الموسم 2
روعة كوميديا الموقف وروح الشباب الساخر الحيوي، اللي بيعبر عن نبض الشارع المصري، بتظهر في البرنامج الكوميدي الساخر SNL بالعربي. اللي بيقدم تليفزيون النهار الموسم الثاني منه حصريًا. البرنامج بيستضيف مجموعة من ألمع نجوم الكوميديا على الساحة، اللي بيقدموا ستاند أب كوميدي وعروض مختلفة بتعكس واقع المجتمع. واللي بيتعرض السبت
البلاتوه – الموسم 3
أحمد أمين بيواصل نجاحه على شبكة تليفزيون النهار، وشبكات التواصل الاجتماعي الخاصة بالنهار، بتقديم الموسم الثالث من برنامج “البلاتوه” في شكله الجديد. واللي بيتعرض الجمعة.
من خلال المجموعة دي من البرامج، بتكون شبكة تليفزيون النهار هي الأولى في تقديم الكوميديا والترفيه للمشاهد المصري 4 أيام أسبوعيًا على مدار العام. يا ترى إيه أكتر برنامج منهم بتحبوه؟
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
