The Definitive Guide to Living in the Capital , Cairo , Egypt

رنا شرف

الصورة الرئيسية: Towfiqu barbhuiya

الصورة الداخلية: Kier in Sight Archives

العيد يعني فرحة ولمّة وبهجة، ومافيش حاجة بتكمل الفرحة دي زي الشوكولاتة! الكبير والصغير بيحبها، ودايمًا مرتبطة بالمناسبات السعيدة، سواء كهدية، أو مع العيدية، أو حتى كهدية بتقدم لضيوف البيت في العيد. المشكلة إن الشوكولاتة المستوردة أسعارها بقت في السما، بس عندنا براندات مصرية بجودة عالية وأسعار معقولة، ومش هتصدقوا طعمها قد إيه لذيذ! تعالوا نتعرف على 5 براندات شوكولاتة مصرية هتحلي العيد وتوفر عليكم فلوس كتير.

كورونا.. شوكولاتة الزمن الجميل
لو جينا نتكلم عن الشوكولاتة المصرية، لازم نبدأ بـ”كورونا”، العلامة التجارية اللي كبرت مع أجيال وفضلت محافظة على مكانتها. عندهم كل الأذواق، من الشوكولاتة الداكنة لعشاق الطعم القوي، للحليب، والنعناع، وكمان شوكولاتة مخصصة لمرضى السكر بالاستيفيا. جودة وسعر في المتناول، تخليك تختارها وانت متطمن.

اعرفوا أكثر عن المكان من هنا.

مرفل.. نكهات مبتكرة
“مرفل” غير مفهوم الشوكولاتة عند ناس كتير، لأنه بيقدم نكهات جديدة ومختلفة، زي شوكولاتة الكنافة بالبينيا كولادا، الكنافة بالبستاشيو، وشوكولاتة بالزبادي والفراولة. الميكسات الغريبة دي خلت البراند واحد من البراندات المفضلة عند عشاق التجديد، غير إن أسعاره معقولة جدًا.

اعرفوا أكثر عن المكان من هنا.

ديسباسيتو.. طعم فاخر وتغليف فني
“ديسباسيتو” مش بس اسم براند، ده تجربة شوكولاتة كاملة! من أول النكهات المميزة اللي مش هتلاقي زيها بسهولة، لحد العلب اللي شكلها تحفة فنية. التصميمات والألوان تخليها هدية مثالية لأي مناسبة، أو حتى كنوع من الرفاهية الشخصية اللي تستحقها.

اعرفوا أكثر عن المكان من هنا.

كوفرتينا.. شوكولاتة الذكريات الجميلة
كوفرتينا مرتبطة عند مواليد الثمانينيات والتسعينيات بإعلان “العريس”، والبراند المصري ده بيقدم تشكيلة واسعة من الشوكولاتة، سواء اللي بنحبها كتحلية، أو الشوكولاتة الخام المستخدمة في الحلويات. لو بتحب الحاجات اللي تفكرك بأيام زمان، لازم تجربها.

اعرفوا أكثر عن المكان من هنا.

تو إم شوكولات.. فخامة بسعر مناسب
لو بتدور على شوكولاتة شيك بتغليف راقي وسعر حلو، يبقى “تو إم شوكولات” هو الاختيار المناسب. بيقدم أنواع مختلفة، سواء في شكل بارات أو علب هدايا شيك تناسب العيد والمناسبات الخاصة. طعم رائع وتقديم أنيق، يخليك تحس بالفخامة.

اعرفوا أكثر عن المكان من هنا.

عيدك هيبقى أحلى وأوفر مع الشوكولاتة المصرية، جرّبها وشارك الفرحة مع اللي حواليك!