The Definitive Guide to Living in the Capital , Cairo , Egypt

أسعار الأجهزة الكهربائية بتزيد في السنوات الأخيرة بسبب ظروف اقتصادية بيمر بها العالم كله تقريبًا، خاصة الحروب اللي بتحصل في أكثر من مكان على كوكبنا، وده أثر على الاستيراد وخلى الأسعار بقت الضعف وده غير متغيرات سعر الصرف للدولار، ومن هنا المنتجات الكهربائية زادت أسعارها بشكل كبير، وعلشان إحنا بندور على الأرخص دايمًا مع الحفاظ على الجودة اللي أهم من السعر دورنا على أفضل الأماكن اللي ممكن تكون بتبيع أجهزة كهربائية بسعر مميز عن السوق ولقينا 3 أماكن بيعملوا ده، وهما ماشيين بمبدأ بيع كتير تكسب أكتر، لأنهم بياخدوا خطوط إنتاج كاملة من المصانع، وطبعًا ده بيخليهم ياخدوا أفضل سعر منهم، وهنعرف الأماكن دي إيه خلال السطور الجاية.

رنين

رنين دوت كوم هو موقع إلكتروني وله فروع منتشرة في كل أنحاء مصر، وبيبيعوا كل أنواع الأجهزة الكهربائية بأسعار مميزة وأقل من السوق وبيوصل الفرق في الأسعار في بعض الأوقات ل2000 جنيه في القطعة، وتقدروا تشتروا من خلال موقعهم من هنا.

أسواق المرشدي

بيوصلوا لكل مكان وعندهم كل اللي بيحتاجه البيت من أجهزة كهربائية ودايمًا مجلة العروض عندهم هتلاقوا فيها خصومات حقيقية لكل أنواع الأجهزة، ده غير أنهم بيقدموا أفضل سعر للمنتجات بشكل عام، ولو طلبتوا من موقعهم الإلكتروني بيكون الشحن مجاني في أوقات كتير، وتقدروا تطلبوا كل اللي محتاجينه وتعرفوا أكتر عنهم من هنا.

سنتر شاهين

شعارهم “المكان اللي يبدأ بيه المنزل”، وهو من أهم الأماكن اللي بتبيع أجهزة كهربائية بأسعار ممتازة، وبيوفروا خدمة الطلب أونلاين والتوصيل رغم أنهم مش مهتمين بالموقع الإلكتروني، ولكن هما عندهم تقريبًا 13 فرع في القاهرة الكبرى، والأجهزة الكهربائية سعرها مميز عندهم وبيعملوا عليها عروض وخصومات حسب خططهم التسويقية، وتقدروا تتعرفوا أكتر عنهم من خلال صفحة الفيسبوك من هنا.