-
سيتي ستارز، المرحلة الثانية، الدور الثالث
-
أحذية
-
-
12 ظهراً - منصف الليل -
Anne de Groot
الفنانة
الأمريكية چينيفر لوپيز، مش بس ممثلة ومغنية، لكن إكتشفنا كمان أن عندها خط إنتاج
برفانات وخط تصميم ملابس وأحذية.
من
زمان إتَحَدِت الفنانة چينيفر لوپيز مع أخو المصمم المعروف تومي هيلفيجر وعملوا خط
تصميم خاص بها، وكانت منتجاته بـ تتباع فقط في الولايات المتحدة الأمريكية وبعدها
تم إشهار إفلاسه، وغالباً ده بسبب أن الملابس ماكانتش بجودة كويسة وغالية جداً على
الفاضي. وتقريباً كانت دي أول مرة يتباع فيها ملابس من خامات البوليستر والأقمشة
الصناعية في محلات المصممين المعروفة. بعد كده رجعت تاني الفنانة چينيفر لوپيز –
الشهيرة بـ چيه لو – ودخلت عالم التصميم
بخط جديد لإنتاج الشنط والأحذية. واللذيذ أنهم متوفرين دلوقتي في سيتي ستارز مول.
في
الدور الثاني من المرحلة الثانية من سيتي ستارز، هـ تلاقي محل «چيه لو» للأحذية، ورغم
أن مساحة المحل محدودة، بس فيه تشكيلة شاملة من الشنط والأحذية. للبنات اللي بـ
تحب الأحذية اللي كعبها عالي، جداً، يبقى المحل ده جنة بالنسبة لك. داخل المحل هـ
تلاقي شاشة مسطحة بـ تعرض فيديو كليبات ملكة البوب چينيفر لوپيز، وأغانيها كمان بـ
تبقى شغالة من خلال مكبرات الصوت.
الجهة
الشمال من المحل مخصصة لأحذية الكعب العالي، بما فيها الأحذية المفتوحة اللي
متوفرة في ألوان متعددة. الجهة اليمين فيها البووتات، الجزم الفلات، والشباشب، بس
تصميماتهم عادية جداً. وفيه بعض الأحذية عليها لوجو «جيه لو» كبير جداً مطلي بالفضة
أو الذهب. أسعار أحذية الكعب العالي بـ تبدأ من 500 جنيه فيما أعلى، والشباشب بـ
تبدأ من 400 جنيه. أغلى جزمة هناك بـ تبقى في حدود 1000 جنيه.
أغلب
الأحذية هناك ليها شنطة متناسقة معاها. متوسط أسعار الشنط الصغيرة والمتوسطة 500
جنيه، وفيه شنط تانية ممكن يوصل سعرها 1300 جنيه.
فيه
هناك قسم للإكسسوارات، هـ تلاقوا فيه غوايش، أعقاد، وحلقان، وأغلبهم سعرهم غالي
شويتين: الأعقاد والغواييش بـ تبدأ من 500 جنيه، وده سعر كتير شوية على إكسسوارات
فالصو.
جودة
المنتجات في المحل مش قد كده، وفيه منتجات كتير معمولة من الپلاستيك. لكن لو كنتي
من عشاق چينيفر لوپيز يبقى جربي وروحي المحل وإقتني حاجة من منتجاتها. أحسن حاجة ممكن تعجبك هي الشنطة اللي بـ تأخذي
فيها مشترياتك، لونها وردي ومطبوع عليها صورة وجه ” چيه لو “. المحل
يعتبر إضافة كويسة لسيتي ستارز، والمحل أكيد يستاهل منك زيارة.
أكتب تقييم
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
