Mohamed Talaat
طبعًا كل واحد بيدور على حاجة مختلفة كهدية لوالدته، وإحنا في كايرو 360 بنحاول نوفر لكم أكتر أماكن فيها هدايا عيد الأم بجودة عالية وسعر رخيص. علشان كده جبنالكم تفاصيل “معرض عيد الأم” في بيت السناري في السيدة زينب. واللي هيكون في الفترة من 19 لـ 21 مارس. فأوعى تفوته حتى لو مش هتشتري، وهنقول لك ليه.
المعرض هيكون فيه منتجات مختلفة نتاج ورش عمل بيت السناري (مشغولات جلدية – ديكوباج – كليم – خيامية – كروشية – إكسسوار – خط عربى – تصوير زيتى – موزايك). واللي ضمت 250 متدرب خلال عام كامل. هدف المعرض تشجيع المشتركين في عرض منتجاتهم، وخلق مصدر دخل مادي يحفزهم على الاستمرار.
كمان هيبقى فيه عروض إزاي تقدر تنفذ المنتجات الهاند ميد، علشان يعرّفوا الناس طريقة الصناعة. وكمان لإبراز مواهب المتدربين اللي هيعرضوا أعمالهم خلال المعرض.
المنتتجات هتكون كتير، وكلها إنتاج ورش التدريب. ومنها (الديكوباج، الإكسسوار، الفيلتنج، المشغولات الجلدية، التصوير الزيتي، الخط العربي، الخيامية، الكروشيه، الكليم، والطباعة على المنسوجات).
الافتتاح يوم الثلاثاء 19 مارس هيفتتح الساعة 5 مساءً، الدخول مجاني. وهيبقى شغال لحد الساعة 9 مساءً. وباقي اليومين هيكون مفتوح من 10 صباحًا حتى 7 مساءًا.
وتقدروا تتواصلوا مع بيت السناري من خلال التليفون: 01001303318 – 0223926031.
واتساب: 01207748899 أو زيارة صفحتهم على فيسبوك.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
