مهما كانت ميزانيتك.. 13 فكرة لهدايا هتخلي عيد الأم 2025 أحلى وأجمل!
أفضل هدية للأم أفكار غير تقليدية أفكار هدايا عيد الأم 2025 هدايا عيد الأم هدايا للأم هدايا مميزة
Cairo 360
الصورة الرئيسية: The HK Photo Company
الصورة الداخلية: micheile henderson
عيد الأم 2025 وصل! وكلنا عاوزين نجيب هدية تعبر عن حبنا وتقديرنا لست الحبايب، بس الحيرة بتكون في اختيار حاجة غير تقليدية تناسب ذوقها وتفرحها بجد!
سواء ميزانيتك محدودة أو عاوز تدلعها بهدية فخمة، جمعنالك 13 فكرة متنوعة تناسب كل الأذواق والميزانيات، علشان عيد الأم السنة دي يكون مميز بجد!
هدايا عيد الأم بميزانية بسيطة (أقل من 300 جنيه)
حتى لو الميزانية صغيرة، الهدية اللي من القلب تفضل غالية!
كتاب مميز: اختار كتاب يناسب اهتماماتها، سواء رواية، كتاب ديني، أو حتى كتاب وصفات طبخ جديدة.
ماج مطبوع: اطبع عليه صورة ليها، جملة محببة، أو حتى نكتة تضحكها كل ما تشرب فيه.
شموع معطرة أو بوكيه ورد: لمسة بسيطة لكن بتعمل فرق كبير في الجو والراحة النفسية.
هدايا عيد الأم بميزانية متوسطة (من 900 لـ1500 جنيه)
لما الميزانية تزيد، الاختيارات تبقى أكتر وأشيك!
عطر مميز: لو عارفتها بتحب برفيوم معين، اشتريه فورًا.
لبس أنيق: بيجامة مريحة، شال مبهج، أو أي قطعة تعرف إنها بتحبها.
إكسسوارات أنيقة: حقيبة شيك، ساعة، أو قطعة حلي فضة.
ألبوم ذكريات: جمع فيه صوركم مع بعض من الطفولة لحد دلوقتي، هيبقى كنز غالي عليها!
اشتراك في منصة أفلام ومسلسلات: هدية ممتعة تخليها تستمتع بأوقات فراغها.
هدايا عيد الأم بميزانية أكبر (من 1500 جنيه لـ10000)
لو عاوز تدلعها بجد وتخلي اليوم بجد ما يتنسيش!
تذاكر مسرح: خروجة لطيفة لمسرحية كوميدية هتصنع ذكريات جميلة.
عشاء فاخر في مطعم بتحبه: قعدة مميزة وسط أجواء راقية.
قطعة مجوهرات شيك: خاتم، سوار، أو قلادة بسيطة وأنيقة.
جلسة سبا وتدليك: وقت من الدلع والاسترخاء تستحقه بجدارة!
جهاز جديد: موبايل، خلاط حديث، أو ماكينة قهوة لو بتحبها.
وأخيرًا..
الأهم من الهدية.. إنك تعبر عن حبك! مش المهم ثمن الهدية، المهم الإحساس اللي وراها.. حتى كلمة حلوة أو حضن دافي ممكن يكونوا أغلى من أي حاجة، وكل سنة وكل أم طيبة وسعيدة!
