The Definitive Guide to Living in the Capital , Cairo , Egypt

رنا شرف

البحث عن أكلات خالية من الألبان أو الجلوتين حاجة مش سهلة في القاهرة، الأماكن اللي بتوفر الأكلات دي قليلة، ومش دائمًا بتقدمها بطريقة لذيذة تخليك تحبها. لكن مشروع “ملوك إيتس ستور” قدر يوفر أطعمة صحية لكن في نفس الوقت لذيذة جدًا. تعالوا نتعرف أكثر على المشروع ومنتجاته.

“ملك”، مؤسسة المشروع، خريجة الجامعة الأمريكية، كان عندها مشكلة في إنها تلاقي منتجات خالية من الألبان والجلوتين، وكانت بتحب الآيس كريم جدًا، وطبعًا صعب نلاقي آيس كريم خالي من الألبان. علشان كدة قررت تعمل بنفسها مشروع يقدم بدائل صحية لذيذة لكن اللي عندهم متطلبات خاصة في أكلهم.

Malouk Eats بتقدم منتجات مصنوعة يدويًا في بيئة خالية من الجلوتين والألبان. بيستخدموا العسل الخام المحلي كبديل للسكر، وبيتم استخدام المكونات الطبيعية بس، بدون أي إضافات أو مواد حافظة.

ملوك إيتس بيقدم منتجات مناسبة للنباتيين، ومرضى السكري، واللي عندهم حساسية من الألبان، واللي محتاجين منتجات خالية من اللاكتوز، وطبعًا للي عندهم حساسية من الجلوتين.

الفريق بيتكون من مدرب صحي معتمد وطاهي محترف وأكثر.

وبما إن “ملك” من عشاق الآيس كريم في الأساس، فقررت إن المنتج الأساسي عندها يكون هو الآيس كريم، واللي بتقدمه لجمهورها بطريقة صحية خالية من أي عناصر غير مناسبة صحيًا لجمهورها.

تجربتنا مع ملوك إيتس

جربنا من عندهم أغلب المنتجات، زي الآيس كريم، وكان جميل فعلًا، خصوصًا بنكهة الموز والقرفة، وسعر الآيس كريم الصغير 50 جنيه، والكبير 100 جنيه.

جربنا كمان البراوني كيك، وكان طعمه حلو. أما الفشار فكان أكثر من رائع، وطعم الكراميل فيه مظبوط، وده سعره 30 جنيه.

اعرفوا أكثر عن ملوك إيتس ستور من هنا.