The Definitive Guide to Living in the Capital , Cairo , Egypt

رنا شرف

الصورة الرئيسية: Priscilla Du Preez 

البراند العالمي هوس لبعض الناس اللي عندها حب الاقتناء لكل ما هو غالي، سواء في الملابس، في الجواكت، في البناطيل، أو حتى التشيرتات. والقاهرة فيها أماكن كثيرة بتبيع ملابس ستوكات بأسعار معقولة، وبتكون فعلًا ماركات عالمية، مصنوعة بجودة عالية، وسعرها على قد الإيد.

خلينا نعرفكم تشتروا منين أفضل وأشهر براندات ملابس بسعر معقول في القاهرة.

أبو غالية

أسم مسمع قوي في عالم الاستوكات والبراندات العالمية، من أشهر البراندات عنده شي إن وزارا، ولو دورتي أكثر عندهم ممكن تلاقي قطعة جوتشي مثلًا أو ديور، بس مش دائمًا موجود، بيبقى حسب الحيظ في اليوم اللي هتروحي فيه. أبو غالية موجود في أكتوبر، ومدينة نصر، ووكالة البلح، والأسعار عندهم معقولة ودائمًا بيعمل عروض.

اعرفوا أكثر عن منتجاتهم وعناوين فروعهم من هنا. 

جبل ستوك

دا بقي مسيطر في مدينة نصر، ومعروف جدًا لكل اللي مهتم بالبراندات العالمية، وعنده برضه الشي إن والزارا وماركات زى جيس، ونقدر نقول إن أبو جبل هو ملك الإستوك في مدينة نصر.

اعرفوا أكثر عن منتجاتهم وعناوين فروعهم من هنا. 

حمزة ستوك

عنده سواريه بيبتدي من 100 جنيه، وعنده أنواع كثيرة من البراندات، ومميز في الجواكت البمب والجلد، وعنده ملابس أطفالي مميزة.

اعرفوا أكثر عن منتجاتهم وعناوين فروعهم من هنا. 

ستوك هوم

موجود في المعادي جراند مول، مشهور بالعروض اللي بيعملها وكمية الماركات المختلفة اللي عنده، خصوصًا في السورايهات ولبس الخروج، بس يمكن تكون أسعاره عالية شوية، لكن الجودة اللي بيقدمها تستاهل.

اعرفوا أكثر عن منتجاتهم وعناوين فروعهم من هنا. 

أوتليت ستوك 55

موجود في مصر الجديدة، وبيقدم ملابس ستوك لكل العائلة، عندهم أطفالي ورجالي وطبعًا نسائي، والأسعار حلوة مقارنة بالجودة.

اعرفوا أكثر عن منتجاتهم وعناوين فروعهم من هنا.