The Definitive Guide to Living in the Capital , Cairo , Egypt

كل سنة وكل المصريين بخير، أيام ويهل علينا عيد الفطر المبارك 2022، اللي مستحيل نتخيله من غير حلوياته الجميلة من كحك وبسكويت وبيتي فور وغربية، ومع ظروف غلاء الأسعار، فيه ناس بتفضل نظام التقسيط، ومش كتير يعرفوا إنه ممكن يقسطوا أسعار كحك العيد على 6 أو 12 شهر مع أغلب البنوك المصرية.

في الموضوع ده هنعرفكم أكتر على أنظمة تقسيط أسعار كحك العيد مع بعض البنوك المصرية، وكل اللي هتحتاجه إنه يكون معاك كريديت كارد.

البنك الأهلي

خدمة تقسيط كحك العيد من البنك الأهلي متاحة لأصحاب البطاقات الائتمانية، اللي تقدروا تستخدموها داخل جميع المحلات في مصر وخارجها، وبيتم تقسيط سعر المنتج من خلال الاتصال بالرقم الساخن للبنك، بعد إجراء عملية الشراء من بداية الشهر وحتى نهايته، وتطلبوا من خدمة العملاء تقسيطها، بشرط إنه ماتقلش قيمة المنتج عن 500 جنيه.

وبعد طلب إجراء تقسيط لحركة المشتريات هيتمتع العميل بمجموعة مميزات، منها عدم المطالبة بسداد إجمالي مبلغ حركة المشتريات أو الحد الأدنى لها خلال فترة السماح، لكن هيتم سداد أقساط ثابتة حسب الفترة اللي بيفضلها العميل.

وتدروا تشتروا الكحك من أي تاجر في مصر وتطلبوا بعد كدة من البنك تقسيط العملية، حتى لو التاجر مش متعاقد مع البنك الأهلي.

بنك مصر

بيتيح بنك مصر إمكانية التقسيط من خلال استخدام بطاقات الائتمان، وبيتم التقسيط بعد شراء المنتج ببطاقة البنك، ثم الاتصال بخدمة العملاء لطلب تقسيط العملية.

البنك متعاقد مع عدد كبير من التجار والمحلات من العلامات التجارية، وتقدروا تقسطوا على فترات من 6 إلى 12 شهر بدون فوائد.

البنك التجاري الدولي CIB

بيتيح البنك التجاري الدولي CIB لعملائه إمكانية التمتع بنظام التقسيط بدون فوائد على مدار 12 شهر.

كل اللي عليك هو التأكد من أنّ المحل اللي هتشتري منه متعاقد مع البنك لنظام التقسيط، وبعدها تقدر تقدم طلب التقسيط للمنتجات اللي هتشتريها، أو تستخدم البطاقة الائتمانية، وبعدها تتصل بخدمة العملاء وتطلب مهم تسيط العملية.