لعشاق فنجان السعادة.. اعرفوا تفاصيل مهرجان القهوة في القاهرة (الدخول مجانًا)
البن تفاصيل مهرجان القهوة محبي القهوة مهرجان القهوة مهرجان القهوة بالقاهرة
Mohamed Talaat
القهوة حاجة كده في حتة تانية، سواء لترويق الدماغ أو للمتعة وحتى للسعادة، ومهما اختلفت أنواعها وألوانها وطرق تسويتها هتفضل القهوة هي مصدر السعادة لناس كتير جدًا، واللي مش بيقدروا يمشوا يومهم من غيرها، وعلشان أهمية القهوة السنة دي هتنطلق النسخة التانية من مهرجان القهوة في القاهرة.. تعالوا نتعرف أكتر على المهرجان ده.
مهرجان القهوة في نسخته التانية هيكون في فندق توليب النرجس بالقاهرة الجديدة، وهيكون لمدة 3 أيام 5 – 6 – 7 أغسطس، والدخول من الساعة 10 صباحًا حتى الساعة 9 مساءً، وهيكون الدخول من خلال دعوات مجانية تقدروا تسجلوا وتاخدوها من خلال الموقع الالكتروني للمهرجان.
المهرجان هيضم كتير من صناع القهوة المشهورين وكمان المدونين والمؤثرين على السوشيل ميديا اللي بيهتموا بالقهوة، وهيتم تنظيم جلسات عن تاريخ القهوة وطرق تصنيعها وأنواعها وأفضل الأنواع، وكمان هيكون فيه مشروبات مختلفة لأنواع القهوة هتتقدم مجانًا، وده غير المسابقات اليومية وورش العمل اللي هتكون موجودة على مدار أيام المهرجان.
ومن ضمن فعاليات المهرجان كمان بيع كل أنواع القهوة ومستلزماتها سواء عن طريق البرندات المشهورة أو عن طريق الوكلاء لكل منتج.
تقدروا تعرفوا أكتر عن المهرجان وتفاصيله من خلال صفحة الفيسبوك من هنا.
وتقدروا تحجزوا دعواتكم المجانية من خلال موقعهم الإلكتروني من هنا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
