في اليوم العالمي للقهوة.. اعرفوا أهم 7 أماكن لبيع البن في القاهرة
أبو عوف العميد الكويتي بن بن مطحون شراء بن عبد المعبود قهوة يوم القهوة العالمي
Mohamed Talaat
من المعروف أن شهر أكتوبر مواليده بيطلق عليهم “العظماء”، ومن أول يوم في أكتوبر بيكون عظمة وهو تاريخ اليوم العالمي للقهوة، اللي ليها سحرها وجمالها واللي بتظبط مود كل اللي بيحبها، ومعروف أن أنواع البن كتير ومميزة في تحميصها وطعمها وجودتها، وكل إنسان له مزاجه في اللي بيحبه، علشان كده النهاردة هنعرفكم على 7 أماكن بيبيعوا حبوب البن بكل أنواعها في القاهرة.
أبو عوف
بجانب المكسرات بأنواعها المختلفة، أبو عوف بيقدم كمان مجموعة متنوعة من حبوب البن، بتحويجات مختلفة. ودي صفحتهم.
بن العروبة
في بن العروبة بيتم اختيار الحبوب من أفضل مزارع البن في العالم (أمريكان الجنوبية – أمريكا الوسطى – آسيا – إفريقيا). علشان يوصل للتوليفة الأفضل في كل أنواع القهوة. وده الويب سايت بتاعهم.
بن شاهين
مع المجهود المستمر، وخبرة 70 سنة، مع أحدث تكنولوجيا التحميص المستخدمة، بن شاهين بيقدم واحد من أفضل أنواع البن اللي ممكن تجربها. ودي صفحتهم.
بن العميد الأصلي
بن العميد اللي اتأسس في الكويت سنة 1973، من أشهر أنواع البن المعروفة. وهو دلوقتي موجود في مصر. وبيتباع أونلاين وفي كل المتاجر الكبيرة، وتقدروا تعرفوا كل الأماكن بالتفصيل من موقعهم.
المحمصة اللبنانية
زي أبو عوف بتقدم أنواع مختلفة من المكسرات، بجانب أنواع مختلفة من حبوب البن. وفروعه بتغطى أماكن كتيرة جوة وبرة القاهرة. ودي صفحتهم.
بن الشامي
مكان مخصص في مصر لبيع وتحميص وتغليف وتعبئة البن. مع المذاق السوري الفريد. ودي صفحتهم.
بن عبد المعبود الأصلي
في بن عبد المعبود تقدر تعمل قهوتك الخاصة، من أجود أنواع الحبوب عندهم. لك كامل الحرية في الاختيار. ودي صفحتهم.
