ضمة.. شموع مصنوعة يدويًا بأيادي مصرية
شباب مصري شراء شموع شموع ضمة للشموع مشاريع شبابية في القاهرة
Cairo 360
رنا شرف
الشموع بالنسبة لكتير مننا رمز للحب والهدوء والسلام النفسي، علشان كدة بنحب نشتري شموع سواء لينا أو علشان نديها هدية لحد عزيز علينا، وللشموع أشكال كتير، وفيه منتجات منها غالية جدًا. ومؤخرًا كنا بندور على براند نلاقي عنده شموع بسعر مناسب وفي نفس الوقت جودتها عالية، وده اللي لقيناه لما جربنا شموع “ضمة”.
ضمة هو مشروع مصري شبابي لإنتاج شموع مميزة بسعر معقول، ومؤسسة المشروع هي “ضحى”، اللي عمرها 25 سنة، وبتقول لـ”كايرو 360 إن الفكرة جات لها لما اكتشفت إن أسعار الشموع التابعة لبراندات شهيرة في السوق المصري غالية جدًا، وده بيخلي كتير من المصريين مايقدروش يشتروها، ففكرت “ضحي” تعمل مشروع الشموع وتقدم منتجات جودتها عالية لكن سعرها على قد الإيد، خصوصًا وإن الظروف الاقتصادية الحالية أثرت على كتير من المصريين.
فريق عمل “ضمة” مكون من ثلاثة أفراد، بنتين وولد، وكلهم بيصنعوا الشموع بنفسهم.
أسعار منتجات “ضمة” معقولة، مقارنة بأسعار المنتجات المشابهة من براندات شهيرة، والأسعار بتتراوح من 250 لحد 500 جنيه، وعندهم تشكيلة كبيرة جدًا.
تقدروا تعرفوا عنهم أكتر وتطلبوا منتجاتهم من حسابهم على فيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
