The Definitive Guide to Living in the Capital , Cairo , Egypt

مجتمع المعادى عمومًا
معروف أنه مجتمع انتقائى، وأحسن حاجة فى المكان ده أنك تقدر تلاقى أكل من كل أنحاء
العالم. فى شارع 9، غالبًا لاحظت محل لطيف بأبواب
زرقاء مبهجة، واخد ركن تحت
مطعم «التنين الذهبى – Golden dragon» ، المكان شبه قطعة صغيرة من
اليونان فى القاهرة وبـ يقدم أصناف صعب تلاقيها فى أى مكان فى القاهرة.

«رو 9 – Rue 9» أساسًا بـ يجيب منتجات فاخرة زى
الجبن واللحوم، أصناف اللحم
الأوربى ممتعة منها المورتاديلا بـ 195 جنيه للكيلو وبراتورست Bratwurs
المستورد من ألمانيا بسعر 150 جنيه للكيلو، فى الوقت نفسه هولندا ممثلة بسيرفلات Cervelat
بـ 75 جنيه وجيلديرس روكورستGelderse
Rookworst  بـ 55 جنيه. وعلشان كل
اللحوم مستوردة فطبعًا بـ تكون مجمدة وعلشان كده ممكن تفقد جزء من
مذاقها.

وطبعًا ما ننساش قسم
الجبن اللى فيه أجبان مستوردة،
معظمها من فرنسا وإيطاليا. بس لسوء الحظ
قسم الجبن مش ممتع قوى زى قسم اللحوم، معظم الأصناف شكلها من محلات
سوبر ماركت بالخارج وانتقلت لمصر. كان فيه تشكيلة من خمس قطع صغيرين من جبنة الكممبير  Camembertموجودة
بـ 48 جنيه وأصابع الجبنة موجودة بـ 25 جنيه.

الزعفران الأسبانى -وده
مكون أساسى فى البايلا paella
وهو طبق أرز معمول بالطريقة التقليدية الأسبانية موجود كمان بـ 18 جنيه للحزمة. “رو 9”
كمان بـ يبيع منتجات أبو عوف للمكسرات وعبوات مشروم fungi porcini مجففة، ودي مهمة علشان تشطشط الباستا والريسوتو (49 جنيه).

قسم اللحوم بالتأكيد
هو أساس “رو 9”
برغم أن قسم الجبن ما قدرش يوصل لنفس المستوى، الموظفين ودودين جدًا وبـ يساعدوك والمكان مفتوح طوال
الأسبوع ماعدا يوم الأحد.