رمضان 2025.. 5 أماكن مضمونة تشتري منها لحوم بجودة عالية وأسعار تنافسية
أماكن بيع اللحوم تجار اللحوم جزارين القاهرة عروض رمضان عزومات رمضان لحمة رمضان لحمة مشوية لحوم لحوم أونلاين لحوم بلدي لحوم فاخرة لحوم مستوردة
Cairo 360
الصورة الرئيسية: Cindie Hansen
رمضان شهر العزومات والسفرة العامرة، وأكيد اللحمة من الأساسيات اللي ماينفعش تستغنى عنها، سواء لحمة حمرا أو بيضا. علشان كده، جمعنالك 5 أماكن مضمونة تقدر تشتري منها لحمة بجودة عالية وأسعار تنافسية، سواء من المحلات أو الأونلاين!
لحوم حضرموت عنتر
واحد من أشهر الجزارين، بيعمل عروض طول السنة، وعنده كل أنواع اللحوم بأشكال مختلفة. تقدر تلاقيه في التجمع وجسر السويس، ومتوسط الأسعار عنده 300 جنيه للكيلو.
صفحتهم على فيسبوك: حضرموت عنتر
لحوم أنس
مكان معروف في مدينتي والتجمع، وبيعمل عروض قوية وصواني لحوم جاهزة، زي نص خروف وصواني مشاوي. متوسط الأسعار عنده 385 جنيه للكيلو.
صفحتهم على فيسبوك: لحوم أنس
لحوم السبكي
واحد من أشهر البراندات في عالم اللحوم، عنده لحوم بلدي ومستورد بجودة عالية، وكمان بيعمل عروض باستمرار. موجود في الدقي، ومتوسط الأسعار 350 جنيه للكيلو.
صفحتهم على فيسبوك: لحوم السبكي
بوتشر وان
مكان متخصص في جميع أنواع اللحوم الحمرا والبيضا، وأسعاره بتبدأ من 450 جنيه للكيلو، وبيشتغل أونلاين بس، يعني تطلب من غير ما تنزل من البيت!
موقعهم الرسمي: بوتشر وان
ميت بوينت
متجر أونلاين متخصص في اللحوم بجودة عالية، عنده كل أنواع اللحوم بأسعار بتبدأ من 215 جنيه لنص كيلو مكعبات.
موقعهم الرسمي: ميت بوينت
مقترح
معالم وسياحة
رحلة بين أقدم وأجمل مساجد القاهرة التاريخية
الأزهر الشريف السياحة في القاهرة +9
تليفزيون
