دليل العيد 2024 (4): أفضل أماكن لشراء الفسيخ والرنجة في القاهرة
أفضل أماكن رنجة في القاهرة أماكن بيع رنجة أماكن بيع فسيخ أماكن شراء أسماك مملحة عيد الفطر 2024 فسيخ ورنجة
Cairo 360
رنا شرف
بعد شهر المحاشي والبط والذي منه هندخل على شهر الفرحة! وعلشان العيد بيحب الرنجة والفسيخ، هندلكم علي 5 أماكن في القاهرة بتبيع أفضل أسماك مملحة في القاهرة! واوعى تنسى البصل!
الحمادي
من أشهر الأماكن اللي ممكن تلاقوا عندها أحلى سلطة رنجة، ومشهورين بأن عندهم كل حاجة بتدور عليها في عالم الأسماك المملحة، وبأسعار معقولة. أشهر فروعه موجود في مصر الجديدة لكنه موجود كمان في الساحل والشيخ زايد وأماكن أكثر! الحمادي من المحلات المفتكسة عنده كاساديا بالبطارخ وهمية وطعمية بالرنجة! ننصحكم تجربوهم.
شاهين الفسخاني
الناس العسل اللي علي قديمه أكيد عارفة شاهين الفسخاني في قلب ميدان السيدة زينب، هناك هتلاقي زحمة علي محل صغير، ده “شاهين” اللي عنده أحلى برطمان بطارخ ممكن تجربه في حياتك والأسعار معقولة.
علي الفسخاني
المكان هيأخذك لتجربة مختلفة في عالم الأسماك المملحة. علي الفسخاني متخصص في الرنجة والفسيخ ومشهور في منطقة الشيخ زايد.
النجار
من أشهر المحلات في مدينة نصر، بثقدم منتجات أسماك مملحة بجودة عالية، والبطارخ عنده جاجة ثانية خالص!
ملك الرنجة
لو غاوي سندوتشات رنجة، أيوة زي ما سمعت كدة! يبقى عليك وعلى ملك الرنجة في وسط البلد، واللي بيقدم اختراعات مجنونة في عالم الأسماك المملحة.
ننصحك ماتكترش في الأكل علشان صحتك، واوعى تنسى تشتري البصل علشان متعة الأكلة تكمل!
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
