The Definitive Guide to Living in the Capital , Cairo , Egypt

الصورة الرئيسية: Oziel Gómez

الصورة الداخلية: Benjamin Child

الفترة دي الحياة اتغيرت في مصر من الناحية الاقتصادية، ومع ارتفاع أسعار السيارات بيتجه أغلب الناس لشراء السيارات المستعملة، وكثير بيتعرضوا للخداع خاصة السيدات، اللي بيكونوا فاكرين أن الشكل الخارجي للعربية هو الأهم، من غير ما يتأكدوا من سلامة الأساسيات الداخلية للعربية، وده ممكن يوقعهم في مشاكل كثيرة بعد اتمام عملية البيع.

في السطور الجاية، هنعرفك على نصائح مهمة من خبير عند شراء سيارة مستعملة.

تتأكد من إيه وأنت بتشتري عربية مستعملة؟

في تصريح لبرنامج “8 الصبح” اللي بتعرضه فضائية “دى إم سي”، بيقول معتز عاطف، خبير السيارات، إن آخر حاجة ممكن تبص لها عند شراء السيارة المستعملة هو عداد العربية لأنه يمكن بسهولة الإنخداع فيه.

وحدد معتز عاطف بعض الأساسيات اللي مهم نأخذ بالنا منها عند شراء سيارة مستعملة وهي:

– بلاش يبان عليك اللهفة وأنت بتشتري العربية، لأن أغلب الأسعار قريبة من بعضها، ولو حبيت تشتري ماركة معينة فهتلاقي من 4 إلى 5 ماركات بنفس السعر وده ممكن يزود حيرتك، علشان كده مهم التريث والتمهل والتخلي عن لهفة الشراء المبالغ فيها.

ـ عند اختيارك لعربية بعينها مهم في البداية تبص بعناية لشاسيه العربية، ثم الموتور والفتيس والعفشة، لأنهم هم اللي بيظهروا حقيقة العربية ولو كانت حالتها كويسة ولا لأ.

– بعد التأكد من سلامة الشاسيه والموتور والعفشة مهم الكشف عن العربية من خلال جهاز الكشف اللي بيكشف حقيقة العداد، وبيوضح لو تم التلاعب فيه ولا لأ.

ـ مهم جدًا التحقق كويس من توكيل العربية وخدمة ما بعد البيع، ومهم تتعرف على كيفية تصليحها وإمكانية توافر قطع غيار لها في مصر.

إزاي تتأكد من سلامة عفشة العربية؟

بحسب معتز عاطف أفضل طريقة للتأكد من سلامة عفشة العربية هو الكشف التفصيلي عليها، من خلال التأكد من عدم تقشير الدركسيون، وفيبرات العربية، ومقبض الباب، وكمان دواسات البنزين والفرامل، ودي حاجات من الصعب تغييرها، والتأكد كمان من عدم هبطان قاعدة الكرسي لأنه دليل على كثرة استخدام العربية.