The Definitive Guide to Living in the Capital , Cairo , Egypt

عدد كبير من المصريين بيعشقوا حلاوة المولد، ولو ماتعرفش، المولد النبوي قرب، وفلكيًا موعد المولد النبوي 2024 هيكون يوم الاثنين 16 سبتمبر 2024، ولو ناوي تشتري حلاوة المولد، فمهم تعرف أن الشركة العامة لمخابز القاهرة الكبرى التابعة لوزارة التموين والتجارة الداخلية، أعلنت مؤخرًا عن طرح كمية بتوصل لـ30 طن من حلاوة المولد.

وبحسب تصريح إعلامي لـ علي أشرف رئيس الشركة هتكون الكميات المطروحة من إنتاج المصنع باستخدام أجود الخامات وبأسعار متميزه علشان تغطي احتياجات مختلف شرائح المجتمع.

أسعار حلاوة المولد النبوي 2024

الأسعار هتبدأ من 115 جنيه للكيلو بخصم لايقل عن 10 و20 % عن الأسعار بالسوق الحرة، وهيتم عرضها من خلال 24 منفذ بيع تمويني، بالإضافة إلى 15 معرض من معارض ( كايروبيك ) التابعة للشركه بمحافظتي القاهره والجيزة، ده غير كافة منافذ البيع وفروع شركات السلع التموينية التابعة للشركة القابضة للصناعات الغذائية بوزارة التموين بمختلف محافظات الجمهورية.

تفاصيل أسعار حلاوة المولد 2024 اللي هتوفرها الشركة العامة لمخابز القاهره الكبرى التابعة لوزارة التموين والتجارة الداخلية:

– علبة حلوى سادة وزن 1 كيلو حرام بسعر 115 جنيه.

– علبة حلوى سادة لوكس وزن 1 كيلو جرام بسعر 145 جنيه.

– علبة حلوى سادة لوكس وزن 2 كيلو جرام بسعر 285 جنيه.

– علبة حلوى سادة لوكس وزن 3 كيلو جرام بسعر 485 جنيه.

– علبة حلوى سادة لوكس وزن 5 كيلو جرام بسعر 825 جنيه.

– علبة حلوى فاخرة مكسرات وزن 2 كيلو بسعر 450 جنيه.

– علبة حلوى فاخرة مكسرات وزن 3 كيلو بسعر 675 جنيه.

– علبة حلوى فاخرة مكسرات وزن 5 كيلو بسعر 1100 جنيه.