The Definitive Guide to Living in the Capital , Cairo , Egypt

المولد النبوي الشريف من المناسبات الدينية اللي بننتظرها دايمًا وبنحتفل بيها في مصر بشكل مختلف عن باقي الدول الاسلامية والعربية، ومن عادات الاحتفال بالمولد النبوي في مصر شراء عروسة وحصان المولد، وطبعًا شراء حلاوة المولد المميزة والمبهجة ودي عادة بتتميز بيها مصر، علشان كده عملنا لكم دليل لأسعار حلاوة المولد في 7 من أهم محلات القاهرة.

 

سيموندس

من الأماكن المميزة اللي بتقدم حلاوة المولد بشكل مختلف كل سنة، وشعارهم في 2024 هو “حلاوة الحلوين”. بيوفروا قطع عادية أو علب مشكل، وبيبدأ كيلو المشكل العادي بفروعهم وأونلاين من 440 جنيه، وبيوصل سعر العلبة 5 كيلو أرابيسك إلى 4500 جنيه.

تقدروا تعرفوا قائمة الأسعار والمنتجات كاملة من هنا.

إيتوال

شعارهم السنة دي “الحلاوة والمولد يعني إيتوال”، وعندهم البيع بالقطعة وبالعلبة وبتبدأ عندهم العلب المشكل من 100 جنيه لـ10 قطع، والصندوق 45 قطعة كبيرة بسعر 4200 جنيه.

تقدروا تعرفوا قائمة الأسعار والمنتجات كاملة من هنا.

إكسبشن

“المولد السنة دي بجد إكسبشن”، وده لأنهم عاملين بروباجندا على منتجاتهم الخاصة بحلاوة المولد وسواء اشتريتوا منهم قطع أو علب أكيد هتعجبكم والعلب المشكل بتبدأ عندهم من 99 جنيه للعلبة الكيدز وبتوصل أغلى علبة عندهم بـ1750 جنيه لـ63 قطعة.

تقدروا تعرفوا قائمة الأسعار والمنتجات كاملة من هنا.

العبد

السنة دي العبد بيقدم تشكيلة حلاوة مولد بتبدأ من 120 جنيه للعلبة، وبتوصل لـ2600 جنيه للعلبة “الخضراء” تحت شعار “الحلو اللي بتحبوه”.

تقدروا تعرفوا قائمة الأسعار والمنتجات كاملة من هنا.

عبد الرحيم قويدر

جودتهم سبقاهم وشعارهم “مفيش كده” علشان حلاوة المولد عندهم مختلفة، وبيوفروا قطع وعلب مشكل تببدأ من 85 جنيه، وبتوصل لأعلى سعر وهو 1200 جنيه.

تقدروا تعرفوا قائمة الأسعار والمنتجات كاملة من هنا.

الفاليرو

داخلين ينافسوا بقوة بشعار “الحلاوة حلاوتنا والمولد فرحتنا” وعندهم قطع الحلاوة والعلب المختلفة اللي يبدأ سعرها من 105 جنيه، وبتوصل لـ900 جنيه.

تقدروا تعرفوا قائمة الأسعار والمنتجات كاملة من هنا.

تسيباس

عندهم “طعم الفرحة اللي بنستناه” بمنتجات كتير من حلاوة المولد بالقطعة، والعلب المشكل عندهم بتبدأ من 90 جنيه، وبتوصل لـ2150 جنيه، والميزة كمان أن عندهم حلاوة المولد بدون سكر وبتتباع بالقطعة.

تقدروا تعرفوا قائمة الأسعار والمنتجات كاملة من هنا.