The Definitive Guide to Living in the Capital , Cairo , Egypt

 من زمان وشارع “محمد علي” معروف بإنه شارع الفن والفنانين، لكن في الوقت الحالي تحول لمكان تجمع المطابع وشركات الشحن، لكن مع ذلك تفضل شهرته مهما اتغير الزمن وغيره بإنه أساس الفن.

ولحد النهارده لسه فيه محلات بيع وصيانة الآلات الموسيقية برونقها وشكلها وجوها القديم، وعلشان كده احنا هنقدم لكم نبذة عن الأدوات الموسيقية الموجودة في شارع “محمد علي” وأسعارها، ومنها الجيتار، والعود، والبيانو، والطبلة، والدفوف، والرق، والناي، والتشيللو، والأكورديون، والدرامز، والقانون، والإكسليفون، وآلات النفخ والنقر، وقطع غيارها واكسسواراتها، وغيرها.

أما الأسعار فهي مش بتختلف من محل للتاني كتير، تعالى نبدأ جولتنا ونشوف:

متوسط سعر الدرامز بيكون ما بين 700 لـ 900 جنيه.

سعر الجيتار يتراوح ما بين 900 لـ 1200 جنيه، والفيتنس منه أو السوزوكي، بيكون سعره من 300 لـ 500 جنيه.

العود بيبدأ سعره من 300 لحد 600 جنيه.

البيانو الميني كيبورد من 1200 لحد 1400 جنيه.

الأورج من 7000 حتى 10000 جنيه.

أما البيانو الكبير فبيبدأ من 11 ألف لحد 14 ألف جنيه.

الكامنجا سعرها بيبدأ من 700 جنيه لحد 1200 جنيه.

والأكسليفون الخشبي الكبير سعره بيبدأ من 135 جنيه.

وطقم إيقاع آلات لاتينية سعرها بيتراوح ما بين 600 و700 جنيه.