خدمة جديدة في القاهرة.. إزاي تستخرجوا شهادة ميلاد والرقم القومي عن طريق التليفون؟
رقم قومي شهادة ميلاد شهادة وفاة قسيمة قيد عائلي
Mohamed Talaat
الحكومة المصرية حاليًا بتطور نفسها، ودا انعكس على انها استعانت بميكنة الخدمات في مصالحها الحكومية، وكمان اتجاهها لاستخدام الانترنت علشان تساعدكم تخلصوا مصالحكم في وزارات كتير، ومن الخدمات دي إنها حاليًا بتطبق خدمة استخراج أوراق من مصلحة الأحوال المدنية، “السجل المدني”، وتقدروا تستفيدوا من 6 خدمات مميكنة من خلال رقم التليفون المختصر أو عن طريق الموقع الإلكتروني الخاص بيهم.
ومن خلال رقم التليفون المختصر والموقع الرسمي لمصلحة الأحوال المدنية، تقدروا تستخرجوا أوراقكم المميكنة زي شهادة ميلاد، قيد طلاق، زواج، وفاة، سواء استخرجتها قبل كده أو لأ، وكمان صورة قيد عائلي، بس لازم يكون مستخرج قبل كده من السجل المدني التابع ليه، وكل خدمة من دول سعرها 73 جنيه وبتوصلك لحد البيت.
كمان ممكن تستخرجوا بطاقة رقم قومي بنفس بياناتها، سواء بدل تالف أو فاقد، من خلال خدمة التليفون أو الموقع بسعر 180 جنيه، شاملة خدمة التوصيل لحد البيت، في غضون 3 أيام، والخدمات دي متوفرة في القاهرة الكبرى فقط، والدفع في كل الأحوال عند الاستلام.
لما تدخلوا على الموقع الالكتروني هتختاروا خدمات الأحوال المدنية، وفي الحالة دي هيطلب تسجيل دخول مستخدم، وهتعملوا حساب جديد ببياناتكم الرسمية وبعدها تقدروا تختاروا الخدمة اللي عاوزينها وتطلبوها، ولما تتصلوا عن طريق التليفون خلوا الرقم القومي معاكم علشان هيتطلب منكم أول المكاملة علشان يتم الرد عليكم.
رقم التليفون: 16582
مواعيد العمل: 8:30 صباحًا حتى 2:30 ظهرًا
الموقع الالكتروني من هنا
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
