The Definitive Guide to Living in the Capital , Cairo , Egypt

بين كل حين وآخر بـ نحتاج نضيف لمسة مختلفة لديكورات بيتنا، سواء كانت من خلال إكسسوارات بسيطة أو عن طريق شراء كنبة L-Shape مريحة، مع وجود تنوعات بين الشيك والمودرن والناعم، وبين المفروشات وقطع الإكسسوار والزينة، جائزتنا لأفضل إكسسوارات المنازل هـ تستعرض معاكم أفضل اختياراتنا اللى من خلالها ممكن تعطي لبيتك أو مكتبك روح مختلفة وبجودة عالية.

ديزاين إمبوريم – Design Emporium

مع الموسيقى الفرنسية فى المكان، ماركات عالمية مستوردة، ديزاين إمبوريم أفضل مكان تشتري منه إكسسوارات لبيتك بداية من ورق الحائط لحد قطع الأثاث نفسها والستائر، ماركات زي Ralph Lauren وDesigner’s Guild وNina Campbell.. أكيد مش محتاجين نقول لكم أكثر من كده!

إيكليجو ديزاين – Eklego Design

بدأوا فى الزمالك ثم فتحوا فى هليوبوليس، بـ يعملوا تصميم داخلي وهندسي وكمان أثاث فانكي ألوانه مبهجة ومودرن، كمان عندهم أقمشة وإكسسوارات منزل، صمموا ديكورات أماكن كثيرة ناجحة منها “ليفت بانك” و”سيكويا” اللى فازوا فى جوائز اختيارات المحررين لأفضل أماكن اللاونج، و”مينس” الفائز فى جوائز اختيارات المحررين لأفضل المطابخ الأمريكية.

هاوس & جاردن – House & Garden

هاوس & جاردن بـ يوفر إكسسوارات مناسبة للحدائق وديكورات المنازل فى الزمالك، المحل من أول وهلة يخطف الأنظار بكمية الألوان الضخمة، لو عاوز إكسسوارات منزلية بسيطة وجودتها عالية، وكمان بأسعار مناسبة يبقى ده أنسب مكان تبدأ منه.

إنكانا ناتورا – Incana Natura

إنكانا شركة عالمية حاصلة على جائزة فى مجالها، متخصصة فى تغطية الحوائط بالأحجار الصناعية الفريدة موجودة فى الزمالك، عندهم حوائط على شكل طوب أو أحجار للمنزل، وكمان فى الحدائق، منتجاتهم على عكس الصخور الطبيعية صديقة للبيئة، محكمة وممكن تغييرها وتلوينها.

ماندالا – Mandala

مكان متميز بـ يمزج ما بين كذا حاجة مختلفين عن بعض، المكان واخد جو هندي آسيوي، ممكن تشتري منه ملابس وشالات وإكسسوارات لها طابع هندي، الموسيقى والجو العام فى المكان برائحته المميزة هـ يدخلك عالم ثاني، كمان ده مكان مميز لمحبي اليوجا والروحانيات اللى ممكن يتجمعوا فى قعدة الدور العلوي لماندالا.

نيلينز – Nillens

منتجات قطنية مصرية عالية الجودة مصنوعة يدويًا موجودة فى الزمالك، عندهم فرش ملايات ومفارش ومخدات وبطاطين عالية الجودة وبأسعار متفاوتة لكن مناسبة للميزانية، بـ يستخدموا القماش من مصنع محلى، وبكده بـ تقدم منتجات موثوق فيها مصنوعة من مصريين، لكل المصريين.

أو إم – O-M

محل أول ما هـ تدخله هـ تحس أنك فى مغارة علاء الدين، أنتيكات وإكسسوارات منزل قديمة ولها ستايل عتيق مصنوعة يدويًا، مثلاً مصابيح إضاءة حديد أو قطع منزلية مميزة من الألبستر أو الزجاج أو المطعمة بالأحجار.. أكيد هـ تلاقى حاجة مميزة مش فى أى مكان ثاني.

أوتسايد إن – Outside In

أوتسايد إن بـ يقدم لعشاق تزيين البيوت بالورد بديل عن الورود الطبيعية، شكل الورود البلاستيكية، والحريرية قريب جدًا من الحقيقية وبمختلف الأنواع، والأحجام والألوان، ومرتبة فى فازات شيك جودتها عالية، والجميل أكثر أنهم ممكن يشتغلوا مع منظمى الحفلات، والأفراح ومصممى الديكور.

مبروك لكل الفائزين!