تفاصيل أهم معرض للفخار في القاهرة
أواني فخار اشتروا منتجات الفخار درب 1718 معرض الفخار منتجات فخار
Mohamed Talaat
الطبخ بالفخار مفيد وصحي جدًا لأن الدراسات أثبتت أن المنتجات الفخارية “مسامية” وده بيخليها بتوزع الحرارة والرطوبة بالتساوي وقت عملية الطبخ، وبتحتفظ بالقيمة الغذائية أكتر من أي أواني تانية، وده بسبب تبخر الماء واختلاطه بالعناصر الغذائية، وعلشان شراء الفخار من الحاجات اللي مش منتشرة في القاهرة كتير، هنقول لكم على مكان أقرب لمعرض ضخم للفخار في القاهرة.
يلا نعرف التفاصيل.
معرض الفخار هيكون في درب 1718، أشهر مركز ثقافي لتعليم صناعة الفخار والحرف اليدوية، والأسعار هتبدأ من 70 جنيه، ومتاح كل أنواع الأواني زي الطواجن والصواني والقدرة وغيرهم، وكمان عندهم هيكون فيه حاجات خاصة بالديكور والزينة زي فازات المنضدة أو حتى الأشكال المختلفة للزينة.
المنتجات هتكون في المعرض من يوم 9 مارس حتى 18 مارس، وهما بيكونوا متواجدين من الساعة 10 صباحًا، حتى الساعة 12 مساءً، وكل الفخار من تصميم Pottery Stock، والمعروف عنهم أنهم بيبيعوا بالكيلو ولهم شهرتهم في التصميمات المميزة والمتنوعة في إنتاجات الفخار.
تقدروا تزوروا المعرض في قرية الفخارين، درب 1718 – خلف كنيسة مارجرجس – بالقرب من محطة المترو.
ولو عاوزين تعرفوا أكتر عنهم تقدروا تزوروا صفحتهم على الفيسبوك من هنا.
