The Definitive Guide to Living in the Capital , Cairo , Egypt

الخروجات في القاهرة في فترة الصيف بتكون عائلية أكثر بسبب الإجازة الدراسية. ولما بنختار خروجة جديدة بيبقى نفسنا تناسب أذواق كل فرد في العائلة، علشان كدة مولات القاهرة اختيار مناسب للانبساط لأن فيها كل حاجة تقريبًا، تسوق ومطاعم وكافيهات وسينما وألعاب وأكثر. وعلشان كده هنقول لكم على 5 مولات للتسوق في القاهرة هتنبسطوا بزيارتها.

كايرو فيستيفال سيتي

من وقت افتتاحه في 2013، كايرو فيستيفال سيتي أصبح من أهم الوجهات للخروجات المميزة في القاهرة، مكان من أكبر المراكز التجارية والمولات الخدمية والترفيهية في القاهرة، وهو مبني على مساحة 158 ألف متر مربع، وفيه أكتر من 250 محل تجاري متنوع ومنطقة مطاعم وألعاب، وكمان مشهور بالنافورة الراقصة.

مول مصر

موجود أمام مدينة الانتاج الإعلامي على طريق الواحات، وفيه أكبر جراج سيارات وبيسع 6500 سيارة ومن مميزاته بعيدًا عن المحلات الكتير والماركات العالمية والمطاعم المميزة أنه فيه مدينة الثلج وهي أول مدينة ثلج ومنطقة تزلج على الجليد بالقاهرة، هتعيشك في أجواء القطب الشمالي، وكمان هتلاقوا فيه نافورة مضيئة وماء طالع من أرض سوداء جوا المول.

سيتي ستارز

المقولة اللي بتقول “أولد إز جولد” بتنطبق على مول سيتي ستارز اللي رغم أنه من المولات القديمة وافتتح عام 2004، ولكنه محتفظ برونقه وهو دايمًا وجهة مميزة لخروجة عائلية مختلفة، وفيه هتلاقوا تصميمات مستوحاة من الفن المصري القديم وهو مبنى بنظام 7 طوابق كلهم محلات ومناطق أكل وشرب وألعاب، ده غير السينما المميزة واللي تعتبر من أفضل سينمات القاهرة.

سيتي سنتر ألماظة

سيتي سنتر ألماظة من المولات الحديثة ولكن له سمعة مميزة وسط المولات في القاهرة، والمول تم بناءه على مساحة 100 ألف متر مربع، وفيه حوال 260 محل تجاري غير المطاعم والكافيهات، والمميز فيه أن 10% من إجمالي مساحته منطقة ألعاب مخصصة للكبار والأطفال.

ديستريكت 5

موجود داخل كومباوند ديستريكت 5 الشهير في التجمع الخامس بالقاهرة الجديدة، ودخول الزوار بيكون من طريق العين السخنة الجديد، وسهل توصلوا له من مدينة نصر والمعادي ومن قلب القاهرة الجديدة ومطار القاهرة وغيرهم، وفيه محلات كتير من أعلى الماركات العالمية وكمان منطقة مطاعم وكافيهات وكيدز إيريا، وكل ده مايجيش حاجة جنب السينما الـVip الموجودة فيه والكل بيتحاكى عنها، وكمان بيتميز بالمساحات الخضراء الكبيرة.