The Definitive Guide to Living in the Capital , Cairo , Egypt

الصورة الرئيسية: Aleksi Partanen

كتير مننا بيكون عندهم ممتلكات مش محتاجينها وبيفكروا يبيعوها، والبعض بيعرضها في نطاق الأهل والأصدقاء وآخرين بينزلوها من خلال السوشيال ميديا ولكن فيه مواقع متخصصة لبيع وشراء أي كراكيب مستعملة، خاصة اللي بتكون استعمال شخصي ومتحافظ عليها، وعلشان كده هنقول لكم على 5 مواقع إلكترونية لبيع وشراء الكراكيب، بس خلينا نأكد عليكم بعض النصائح؛ أن البيع والشراء يكون في مكان عام ويفضل منطقة آمنة للطرفين، وكمان لازم تراجعوا على المنتج مهما كان وتفرزوه كويس وتسليم الفلوس واستلامها يكون بعد عدها من الطرفين قدام بعض.

دوبيزل

من أهم وأشهر المواقع لبيع وشراء كل حاجة مستعملة سواء ملابس، أحذية، حيوانات، مستلزمات أطفال، أدوات رياضية، تحف ومقتنيات، أجهزة وديكورات، وغيرها. العيب الوحيد عندهم أنك محتاج تدفع في بعض الإعلانات. 

تقدروا تعرفوا أكتر عنهم من خلال موقعهم الإلكتروني من هنا.

4 Swapp

هتلاقوا في الموقع ده تليفونات وأجهزة وأثاث وديكور وملابس بأنواعها ومستلزمات أطفال وحيوانات ومنتجات عامة وغيرها من الفئات اللي تقدروا تبيعوها أو تشتروها مستعملة.

تقدروا تعرفوا أكتر عنهم من خلال موقعهم الإلكتروني من هنا.

مستعمل

داخل موقع مستعمل هتلاقوا كل حاجة ممكن تحتاجوها وكمان ممكن تعرضوا كل منتجاتكم عليه وهما عندهم فئات كتير للمنتجات زي الموبايلات والديكور والأثاث والملابس ومعدات الصناعات والكمبيوتر والكماليات وأكتر.

تقدروا تعرفوا أكتر عنهم من خلال موقعهم الإلكتروني من هنا.

مزادي

فكرة الموقع مختلفة، وهي أنكم بتشتروا أو بتعرضوا كل حاجة من خلال نظام المزايدة، يعني لو عاوزين تشتروا منتج بتزايدوا عليه، وأعلى حد بيوصل للسعر بيحصل عليه بعد غلق المزاد، وبالطبع أي حد عاوز يبيع منتج بيتم بنفس الطريقة.

تقدروا تعرفوا أكتر عنهم من خلال موقعهم الإلكتروني من هنا.

سوق الجمعة

من أشهر أماكن بيع كل حاجة مستعملة في مصر هو “سوق الجمعة” في السيدة عائشة، وعلشان كده انطلق الموقع ده بفئات كتير بنفس الاسم وهتلقوا فيه 20 فئة متاحة لعرض وبيع كل مستعمل وكمان متاح التبادل والعرض المجاني.

تقدروا تعرفوا أكتر عنهم من خلال موقعهم الإلكتروني من هنا.