بالتفاصيل: هدايا غير تقليدية لعيد الأم
Mohammed Sabry
إعداد: محمد صبري
عيد الأم بيقرب بسرعة والكل بقى قلقان، يا ترى أجيب إيه لست الحبايب اللي تقريبًا عندها كل حاجة؟ يا ترى إسورة جميلة من “باندورا”؟ مممم، غالية أوي. أجيب حلة من “توليب”؟ إيه الملل ده. طيب لانجيري من فيكتوريا سيكريت؟ يا جدع مايصحش كده.
ولا يكون في بالك. إحنا جبنا لك شوية أفكار في اللذيذ كده لهدايا مختلفة لعيد الأم ومنين تجيبهم:
زهور الزينة
The Giftry بيقدم تخفضيات هايلة في عيد الأم، بتوصل لـ 15 % على الزهور. وفي عروض كمان بتاخد معاها حذاء للبيت هدية
أدوات للبيت
لو عايز حاجة تنفع للبيت، جرب Home & beyond. هتقدر تختار ما بين الصواني اللي عليها زخارف مختلفة، أو شماعات للجواكت، أو طفايات سجاير مكتوب عليها عبارات مطرقعة تشدك.
هدايا بناتي
لو بتدور بقى على حاجة أو شوية حاجات بناتي حلوة كده، Joude Home & Accessories عندهم مخدات ومافرش للترابيزات ولا في الأحلام. وكمان سجادات صلاة جميلة.
زهور بتعيش ومش بتدبل
ممكن بوكيه ورد أو قرنفل يعيش بالكتير أسبوع. إنما وعاء الورد الزجاجي من Snowy Flower Egypt ممكن يستمر لمدة 10 سنين، بمنظره وشكله الجميل. Snowy flower هي نباتات منزلية طبيعية. بتقفل لما تترش بالمية، ولما تجف بتفتح من جديد.
ورد الكروشيه
لو مش غاوي جو النباتات جوة البيت، جرب ورود الكروشية من Florchet. اللي بتيجي بأشكال وألوان مختلفة وجذابة. واتطمنوا عمرها ما بتجذب النحل.
ورود طعمها حلو
ماتستغربش انت قريت الجملة صح، أيوة ورود طعمها حلو. لو مراتك بتحب الحاجات اللي طعمها حلو زي الفاكهة والشيكولاتة، Pinny’s Fruit Bouquets عندها أحلى ورود ممكن تاكلها في حياتك.
إكسسوارات هاتدخل قلبها أكيد
عايز تجيب لمامتك حاجة فضة، بس مش عارف إيه ومنين؟ Tajally عندهم ستايلات تركي هايلة من السلاسل والأساور والحلقان وميداليات المفاتيح.
اضرب عصفورين بحجر
ده اللي هتعمله لما تشتري الهدية من Merihan Jewellery. لأن 20 % من قيمة مشترياتك هايتم التبرع بها لملاجيء الحيوانات في مارس الجاري. وهم عندهم تشكيلة مختلفة من الهدايا للمناسبة دي.
هدايا هاند ميد
بس المرة دي حاجات حلوة لعيد الأم، مش “موف غامق عشان الأحداث”. في Bizzari هتلاقي تشكيلة هايلة من الإكسسوارات المكونة من أكتر من قطعة بتيجي مع بعضها. وتقدر تختار اللي يناسبك.
نيو لوك لماما
لو مامتك بتهتم بتغيير شكلها كل فترة، يبقى هديتها مش هتكون أحلى من فاوتشر بيقمة 250 جنيه من Kriss Beauty Salons. تعمل به اللوك اللي تحبه.
ماما مش غاوية نيو لوك
أما لو مامتك مش من النوع اللي غاوي يغير شكله كل فترة. برضه فرصتها ماضاعتش، وديها The Nail Factory. عندهم عرض هايل لعيد الأم. مامتك هتاخد 50% خصم، وجدتك ببلاش لو راحت معاها.
شوية دلع زيادة
لو عايز بقى تدلعها صح ، وديها Sipal Spa. هناك بقى مساج وحمام مغربي وكلام كبير.
كده بقى مشكلة هدية عيد الأم اتحلت لسنين قدام.
ممكن تقروا المقال الأصلي على Cairo gossip من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
