-
26 شارع عمر بن الخطاب
-
أثاث ومستلزمات منزل
-
Rana Muhammad Taha
أنك تفرش بيتك ممكن يبقى أحلى تجربة تسوق تمر بها أو
أسوأ فترة في حياتك، علشان نبقى أدق، الموضوع بـ يتوقف على قد إيه أنت محظوظ في أنك
تقدر تلاقى محل أثاث مناسب. فهل نقدر نقول على «الشاذلى» كده؟
فى شارع مظلم متفرع من عمر بن الخطاب، مش سهل تشوف
الشاذلى وفى نفس الوقت صعب تفوته علشان مافيش تقريبًا محلات أثاث فى المنطقة دي.
عرض المحل من الخارج مش هـ يخطف عينك للدرجة، رغم أن المعروضات جميلة، الزحمة اللى
مترتب بها الفرش ممكن تقفِلك فى الأول. أول ما تدخل المحل، هـ تفهم أن طريقة ترتيب الأثاث
مش بأيديهم علشان المكان صغير.
ولكن،
الأثاث هـ يفضل هو الأهم فى
الموضوع. أذواق مختلفة من الكلاسيك والمودرن والأمريكان المريح. كرسى كلاسيك لونه
سمنى فاتح ببطانة فضى شكلها عصرى سعره 4900 جنيه. كمان مجموعة بـ تتكون من
كنبة لثلاثة أفراد وكنبة لفردين مصنوعة من خشب الزان سعرها 4400 جنيه. أما ترابيزات الشاى فالشاذلى عنده تشكيلة
متنوعة، بأسعار فى حدود 1000 جنيه.
لازم
نقول أن جزء كبير من محل الشاذلى مخصص للمطابخ. مطبخ مودرن تصميمه بالطوب الأحمر
مع إكسسوارات فضى 1.2 متر
تكلفته 3400
جنيه. فى حين أن مطبخ كلاسيك غامق 12 متر ممكن يوصل لـ 16000
جنيه، ده من غير تكلفة الإكسسوارات الداخلية.
الشاذلى مش هـ يقف عند
الحاجات دي، كمان بيعمل أثاث بالطلب، علشان كده المحل ده نقدر نقول أنه بـ يحقق
الأحلام. يقدروا يصنعوا أى قطعة أنت محتاجها، سواء هـ تختار حاجة جاهزة أو اختارت
حاجة ثانية من الكتالوجات بتاعتهم.
الشاذلى
بـ يتعامل مع “برينت شوب” كمورّد رسمى للقماش، لكن ده ما يمنعش أنك تقدر
تجيب قماشك بنفسك لو مش عاوز تختار من برينت شوب، والاختيار الأخير ده يخليك تقدر تختار
من تشكيلة أقمشة أكبر وساعات بـ يبقى فيه تخفيضات على الأسعار.
علشان
هو معرض أثاث، الشاذلى ما عندوش أسعار مكتوبة على المعروضات. مسئول المبيعات كان
لطيف جدًا وخدوم وفاهم جدًا فى الأثاث.
بشكل
عام، لو بـ تدوّر على موّرد أثاث بأسعار مناسبة وعنده مرونة أنه يخليك تصمم حاجتك
بنفسك، وفى نفس الوقت يوفر لك الجودة المناسبة، يبقى أكيد أنت فى المكان الصحيح.
