The Definitive Guide to Living in the Capital , Cairo , Egypt

رمضان من غير الحلو ميبقاش رمضان، وعمر السفرة ما تكتمل غير بقطعة بسبوسة، حتة كنافة، أو طبق أم علي دافئ. بعد الفطار، بييجي وقت المشروب والونسة، واللحظة دي دايمًا محتاجة حاجة مسكرة تكملها. علشان كده، جَمعنالكُم أفضل الأماكن اللي بتقدّم أحلى حلويات رمضان 2025.

بستاشيو

أول ترشيح دايمًا لما نتكلم عن حلويات شرقية وغربية بجودة عالية وطعم بيتي أصيل. من سنة 2019 وهمّ من الأسماء اللي بنرشحها بثقة، والسنة دي مقدمين “بسبوسة تشيز كيك” اللي مستنين نجربها ونقولكم رأينا. الطلب بيكون أونلاين فقط والتوصيل متاح لكل أنحاء القاهرة، والأفضل تطلبوا قبلها بيوم علشان يوصلكم بدري.

تقدروا تعرفوا أكتر عنهم من خلال صفحة الفيسبوك من هنا.

ساليه سوكريه

من الأسماء اللي سُمعتها سابقاها، واللي بيحب الحلويات الشرقية والغربية أكيد عارفه. عندهم فروع كتير في القاهرة وتوصيل كمان. السنة دي جايبين حاجة جديدة: “رزبوسة”، اللي هي مزيج عبقري بين حلاوة الأرز الكريمي والبسبوسة، مغطاة برقائق اللوز بالسمنة البلدي.

تقدروا تعرفوا أكتر عنهم من خلال صفحة الفيسبوك من هنا.

تورتينا

واحد من الأماكن الراقية اللي بتهتم بأدق التفاصيل، من الجودة العالية للخدمة الممتازة. السَنَة دي مقدمين صنفين جداد: “خلصانة بالفراولة” و”ملفوفة بالجياندوجا”، والاتنين شكلهم مغري جدًا للتجربة.

تقدروا تعرفوا أكتر عنهم من خلال صفحة الفيسبوك من هنا.

كوبر ميلت

على الرغم إن فروعهم مش كتير، إلا أنهم من الأسماء اللي أثبتت وجودها وسط الكبار. العيب الوحيد إن حاجتهم بتخلص بسرعة، فالأفضل تروحوا بدري علشان تلحقوا الطلب. السنة دي عندهم 5 أطباق كنافة مختلفة، وأرز باللبن بالكراميل لعشاق الطعم الكريمي.

تقدروا تعرفوا أكتر عنهم من خلال صفحة الفيسبوك من هنا.

إيتوال

مش الأغلى، لكنهم قدروا يقدموا جودة كويسة بسعر مناسب. فروعهم منتشرة جدًا، وسنة ورا سنة بيبدعوا في حلويات رمضان. السنة دي مقدمين حاجات جديدة زي “ميلفه كنافة بالفراولة”، “كنافة موكا”، و”بروفيترول بيستاشيو”.

تقدروا تعرفوا أكتر عنهم من خلال صفحة الفيسبوك من هنا.

تسيباس

قديم، لكنه مشي مع التطور وفضل واحد من المنافسين الأقوياء في الحلويات الشرقية والغربية. شعارهم في رمضان 2025 “الحلو في اللمة”، والسنة دي مقدمين حاجات مبتكرة زي “كنافة الموندا”، “تورتة كنافة بيستاشيو توت”، و”تورتة كنافة كيمو كوات ميلك”.

تقدروا تعرفوا أكتر عنهم من خلال صفحة الفيسبوك من هنا.

سيموندس

مش مجرد حلواني، بل مخبز أصيل من أيام الزمن الجميل. لو عديت من فرعهم في شارع النيل، أكيد ريحة المخبوزات هتشدّك. الجديد عندهم في رمضان 2025: “كنافة بالكريمة والفراولة”، “بلح مع البصمة”، و”أم علي بالكريم بروليه”.

تقدروا تعرفوا أكتر عنهم من خلال صفحة الفيسبوك من هنا.

لابوار

“الحلو مكانه لابوار” شعارهم السنة دي، وهمّ فعلًا من الأماكن اللي بتقدّم جودة محترمة بسعر معقول. رمضان 2025 عندهم حاجات مميزة زي “بطاطا كريم بروليه”، “بطاطا ميلفيه”، و”كنافة دبي”.

تقدروا تعرفوا أكتر عنهم من خلال صفحة الفيسبوك من هنا.

العبد

من 1974 وهو بيقدم الحلو على أصوله، وعبارة “الحلو صنعة” مش مجرد كلام عندهم. فروعهم منتشرة في كل مكان، والسنة دي داخلين بقوة بـ”كوكيز كنافة فسدق” كمفاجأة الموسم.

تقدروا تعرفوا أكتر عنهم من خلال صفحة الفيسبوك من هنا.

إكسبشن

مش منتشر زي الأسماء التانية، لكنه منافس قوي بجودة عالية وخدمة مميزة. السنة دي مقدمين “تورتة كنافة بالبلح” و”فيوجن بول”، وده أكيد هيكون اختيار جديد لعشاق الحلويات الرمضانية.

تقدروا تعرفوا أكتر عنهم من خلال صفحة الفيسبوك من هنا.

مونجيني

بدأ بالكيك والباتيه، واتطور لحد ما بقى يقدم حلويات شرقية وغربية تناسب كل الأذواق. السنة دي مقدمين “تورتة نوتيلا فوركانو”، “بولة جودر”، و”بولة ميكس السلطان”.

تقدروا تعرفوا أكتر عنهم من خلال انستجرام من هنا.

وأخيرًا..