The Definitive Guide to Living in the Capital , Cairo , Egypt

أيام قليلة ونحتفل بعيد الحب، وكل الناس بتدور على هدايا مميزة علشان تهادي بيها الحبايب، والهدية في عيد الحب مش مختصرة على المرتبطين والمتزوجين بس، لأ، ده أنتم ممكن تهادهوا بيها أهلكم وأصحابكم وزمايلكم في الشغل، وعلشان اليوم ده مميز هنقول لكم في السطور الجاية على 7 أماكن تقدروا تشتروا منهم هدايا عيد الحب، والجميل إن الأماكن دي بتوفر خدمة توصيل الهدايا لحد البيت.

برينت خانة

بيبيعوا ماجات بتبدأ من 60 جنيه، وبيعملوا ميداليات خشب من 25 جنيه، وتيشيرتات تبدأ من 150 جنيه، وسويت شيرت بيبدأ من 200 جنيه، وساعات تبدأ من 150 جنيه، وبراويز بورتريهات أسعارها بتبدأ من 160 جنيه، وجرابات فون بـ120 جنيه، وتيشيرتات كابلز بـ140 جنيه، ده غير حروف مخصوص تبدأ من سعر 80 جنيه، وكمان عندهم باكدج عيد الحب “مج – بازل خشب – ميدالية – كوستر” بـ150 جنيه.

وعلشان تعرفوا أكتر عن الهدايا اللي بيقدموها تقدروا تزوروا صفحتهم على الفيسبوك من هنا.

رقم التليفون: 01558134384

Laser gallery

ده مكان له 4 فروع في القاهرة وعندهم مجات بتبدأ من 150 جنيه، وكمان القمر المضئ يبدأ من 250 جنيه، ولو خشب بسعر 450 جنيه، ومجموعة الحب عندهم فيها “القمر المضيء – أجندة –  شوكولاتة فيريرو روشيه – دبدوب – قاعدة – ووردة حمراء” بـ390 جنيه.

تقدروا تعرفوا اكتر عن منتجاتهم من خلال صفحة الفيسبوك هنا.

رقم التليفون: 01280007975

Jesy soap

عندهم هدية ممكن تستغربوها شوية، بس الحقيقة إنها مفيدة للجنسين، وهي صابون الجلسرين المصنوع مخصوص وده آمن للبشرة والشعر، وخالي من أي كيماويات لأنه بيحتوي على جوز هند وخروع وزيت نخيل ولوز، ومافيهوش كحول كمان، وبدون ألوان حافظة، وفيه عطور طبيعية 100%، وهما عاملين عرض الفلانتين اسمه “باكدج الحب”، بيكون بحفر إسم صاحب الهدية على  صابونة على شكل وردة أو قلب، وسعرها 50 جنيه، وتقدروا تعملوا الصابونة كاملة باسم الشخص اللي عاوزين تهادوه بيها وتبدأ من 25 جنيه.

وتقدروا تطلبوا الأوردر من صفحة على فيسبوك هنا.

رقم التليفون: 01144650755

Magic Store

في عيد الحب السنة دي بيقدموا وردة Beauty & Beast  الأصلية، وهي خامتها قطيفة، وفيها إضاءة ليد بتشتغل بحجارة قلم، وسعرها 300 جنيه، وتقدروا تضيفوا عليها الإسم بـ20 جنيه.

وعلشان تعرفوا أكتر زوروا صفحة الفيسبوك من هنا.

رقم التليفون: 01020015535

JUST BOX

الناس دي بتوفر شغل سعره على قد الإيد، بتكلموهم وتقولوا لهم عاوزين إيه وميزانيتكم كام، وهما بيقوموا بالواجب بيعملوا بوكس بيكون فيه (ميك آب – إكسسوار – روايات – برفيوم – كريمات – مصحف ملون – بللورات مضيئة موسيقية – محفظة.. الخ) وطبعًا الاختيار من الحاجات دي بيكون على حسب رغبتكم، وبيبدأ سعر البوكس الواحد من 150 جنيه وبيوصل لحد 500 جنيه.

ولو عاوزين معلومات أكتر زوروا صفحة الفيسبوك من هنا.

رقم التليفون: 01092031039

ART Store

عيد الحب مناسبة مهمة جدًا خاصة للمرتبطين، وبيعتبر من أهم مناسبات الاهتمام اللي مابيطلبش، وعلشان كده تقدروا تطلبوا بورتريه مرسوم من الفحم والرصاص كهدية مميزة ومعاه برواز بأسعار تبدأ من 90 جنيه لحجم 20*30 وبتوصل لـ350 جنيه لمقاس 60*50.

وتقدروا تطلبوا البورتريه من خلال إنكم تبعتوا صورة على الفيسبوك هنا.

Remo & semo Silver

الفضة من أهم الهدايا في عيد الحب، وبتعتبر أكتر حاجة بتتهادى لأنها دايمًا شيك ومميزة، وفي ريمو أند سيمو هتقدروا تعملوا هدايا مخصوص بالشكل والإسم اللي عاوزينه زي السلسلة اللي بيبدأ سعرها من 295 جنيه، أو ميدالية بـ550 جنيه، وكمان عندهم هدايا جاهزة من الفضة الإيطالي سعرها يبدأ من 100 جنيه، وعندهم كل يوم لحد الفلانتين “ساعة الحظ” من 3 حتى 4 العصر، بيكون فيها خصم 20% لأي أوردر.

ولو عاوزين تتعرفوا على الموديلات شوفوا صفحة الفيسبوك من هنا.

رقم التليفون: 01027130061

وأخيرًا..

إحنا في كايرو 360 بننصحكم  لما تشتروا ماتستلموش المنتج إلا لما تراجعوه كويس وتتأكدوا من تفاصيله، علشان تستلموا هديتكم صح من غير عيوب، وماتترددوش إنكم ترفضوا الاستلام في حالة إن الطلب مش على المستوى المطلوب، وكمان اطلبوا أي شغل هاند ميد بدري علشان يتعمل كويس ويتخدم عليه بدون استعجال، وكل عيد حب وأنتم طيبين.