“احسبها صح”.. 5 تطبيقات هتساعدكم على التحكم في مصاريفكم اليومية
اعداد الميزانية الفواتير والمشتريات تطبيقات توفير الميزانية ربط الحسابات البنكية
Mohamed Talaat
الحياة بقت صعبة، وكل حاجة أصبحت غالية، علشان كده لازم نتعامل معاها بذكاء وحكمة، والتوفير هو كلمة السر علشان تعيشوا حياة سعيدة، لكن للأسف كتير مننا بيصرفوا أكتر من دخلهم ومش بيعرفوا يوفروا، أو مش بيححدوا أولوياتهم بشكل علمي سليم، وعلشان كده هنعرفكم في الموضوع ده على 5 تطبيقات مميزة، تقدروا تحملوها على هواتفكم الذكية علشان تساعدكم في تنظيم ميزانيتكم وتخليكم تقدروا تتحكموا أكتر في مصاريفكم.
احسبها صح
تطبيق مفيد هيساعدكم على التحكم بشكل سليم في مصاريفكم، وهيقدم لكم تقارير مفصلة عن مصروفاتم عن طريق رسم بياني سهل وواضح.
تقدروا تحملوا التطبيق للأندرويد من هنا.
وللآيفون من هنا.
EXpensify
التطبيق ده هيساعدكم تعرفوا كل مصاريفكم الشخصية، وهيفكركم بدفع كل الفواتير اللي عليكم وكمان بيفصلها عن المصاريف الشخصية علشان يكون الموضوع سهل، وكمان متاح تصوروا الفواتير بالكاميرا والتطبيق بيحولها لأرقام علشان يخلي حياتكم أسهل.
تقدروا تحملوا التطبيق للآندرويد من هنا.
وللآيفون من هنا.
مصاريف
التطبيق ده مخصص لكل اللي محتاجين ينظموا ميزانيتهم ويعرفوا فلوسهم بتروح فين. هيساعدكم كمان على تنظيم الصرف وتحقيق الأهداف المالية بسهولة.
تقدروا تحملوا التطبيق للآندرويد من هنا.
Wallet
تطبيق مميز ممكن تعتبروه مدير مالي شخصي، ببساعدكم على توفير المال، والتخطيط للمستقبل، ومعرفة الوضع المالي الحالي، وكمان بتراقبوا من خلاله الإنفاق اليومي عن طريق المزامنة مع الحسابات البنكية، وكمان بيقدم تقارير أسبوعية للمصروفات عن طريق الرسم البياني.
تقدروا تحملوا التطبيق للآندرويد من هنا.
Monefy
من خلال التطبيق ده تقدروا تراقبوا ميزانيتكم بشكل كامل، وتعرفوا فلوسكم بتروح فين، وكل اللي عليكم أنكم تسجلوا المصاريف وهو هيوجهكم للتحكم في الميزانية ومقارنة المصاريف بالدخل الشهري.
تقدروا تحملوا التطبيق للآندرويد من هنا.
وللآيفون من هنا.
مقترح
الحياة في كايرو
7 أفكار لزينة كريسماس 2025 هتخلي بيتك يبهر ضيوفك بكل تفاصيله
أفكار تزيين منزلية أفكار لتزيين البيت +8
الحياة في كايرو
