The Definitive Guide to Living in the Capital , Cairo , Egypt

وسط صخب الحياة فيه حاجتين ممكن يسببوا لنا سعادة، الأكل والتسوق، وفي رمضان 2024 نقدر نجمع الاتنين مع بعض بسهولة، وده لأنكم تقدروا تفطروا في 5 مولات مميزة في القاهرة وكمان تختاروا المطعم المناسب لكم واللي يفضل يكون اختياره وحجزه قبلها بيوم علشان الزحمة، وكمان بعد ما تخلصوا أكل تقدروا تعملوا جولة للتسوق وشراء الاحتياجات الخاصة بكم من كل مول.

مول مصر

تم افتتاحه في 2017 على مساحة 167 ألف متر، وموجود فيه أكبر البراندات العالمية والمحلية وعندهم مغامرة “التزحلق على الجليد”، وكمان منطقة مطاعم مميزة هتقدروا تختاروا منها.

العنوان: طريق الواحات – 6 أكتوبر.

سيتي ستارز

من أشهر وأقدم المولات في مصر وتم افتتاحه في 2004، وبيضم مجموعة كبيرة من المحلات والماركات والمطاعم والكافيهات اللي لها شعبية كبيرة، وهو مبني على طراز الحضارة المصرية القديمة.

العنوان: مساكن المهندسين – مدينة نصر.

كايرو فيستيفال سيتي

أهم مولات الشرق الأوسط وفيه ظهرت حاجات كتير مميزة زي النافورة الراقصة وكمان ظهر فيه براندات كنا نشوفها لأول مرة في مصر زي “آيكيا”، وهو مبني على مساحة 160 ألف متر وتم افتتاحه في 2013، وتقدروا تختاروا فيه ما بين 95 مطعم وكافيه للافطار و300 محل للشوبينج.

العنوان: الطريق الدائري – التجمع الخامس.

ألماظة سيتي سنتر

سيتي سنتر ألماظة من الأماكن الحديثة اللي لها مكانة كبيرة وسط المولات المصرية وده لأنه بيضم مجموعة كبيرة من المحلات والمطاعم والكافيهات المميزين واللي هتنبسطوا وأنتم بتختاروا ما بينهم، وتم افتتاحه في 2019، وكمان هو يعتبر قريب من كل مناطق شرق القاهرة.

العنوان: ممر  مطار ألماظة – شيراتون المطار – مصر الجديدة.

أركاديا مول

رغم أنه من أقدم المولات في القاهرة وافتتح سنة 2007، وهو قبلة السياح العرب إلا أنه مالوش شهرة زي المولات اللي اتكلمنا عنها قبل كده، لكن مؤخرًا تم تطويره وبقى فيه مطاعم وكافيهات مش كتيرة ولكن تقدروا من خلالها تتناولوا وجبة الإفطار وكمان هتعملوا شوبينج لماركات كتير وخاصة المستوردة.

العنوان: 4 كورنيش النيل – ماسبيرو.