The Definitive Guide to Living in the Capital , Cairo , Egypt

أشهر محلات المخللات في القاهرة.. 5 أماكن لازم تجربها!
بواسطة
Cairo 360

رنا شرف

الصورة الرئيسية: little plant

فيه حاجات على السفرة بتبقى أساسية، زي المياه والعصير والسلاطة، لكن في حاجة تانية بتفتح النفس ومابتستغناش عنها ناس كتير، خصوصًا في رمضان.. المخلل! سواء بتحب الليمون المعصفر، الزيتون المتبّل، ولا الخيار المقرمش، جمعنالك 5 أماكن من أشهر محلات بيع المخللات في القاهرة، علشان تلاقي الطعم اللي يناسب مزاجك!

 

مخللات لكلوك
لو عديت على السيدة زينب لازم تجرّب مخللات لكلوك، المحل ليه شعبية من سنة 1965، ولسه محافظ على اسمه بجودة وطعم مميز يخليك ترجعله تاني.

اعرفوا عنهم أكثر من هنا.

مخللات النجوم
واحد من أقدم وأشهر المحلات في عالم المخللات، ليه جمهور ضخم، وخصوصًا في رمضان لما الزحمة عنده بتوصل للشارع! فتح سنة 1935 ولسه مكمل بجودة عالية وأصناف متنوعة.

اعرفوا عنهم أكثر من هنا.

مخللات حبايب
برضه في السيدة زينب، محل حبايب بقاله سنين طويلة واسمه معروف للدرجة اللي تخلي ناس تسافر مخصوص عشانه! لو عاوز مخلل بطعم أصيل، ده المكان الصح.

اعرفوا عنهم أكثر من هنا.

مخللات شيخون
براند كبير ومنافس قوي، موجود في معظم السوبر ماركت زي بنده، سعودي، مزارع دينا وغيرهم، يعني سهل تلاقيه في أي وقت ومن غير ما تتعب في المشوار!

اعرفوا عنهم أكثر من هنا.

 

مخللات الأمين
لو أنت في البساتين، أو حتى قريب منها، يبقى لازم تجرب مخللات الأمين، عنده مخللات مصرية وكمان سورية، وده معناه تنوع في الطعم يخليك تجرب حاجة جديدة كل مرة!

اعرفوا عنهم أكثر من هنا.

مقترح