أسعار مناسبة وجودة عالية.. 5 محلات تشتروا منهم حلويات رمضان في القاهرة
أحلى محلات حلويات في القاهرة حلو حلويات رمضان حلويات شرقية رمضان 2021 كنافة رمضان
Mohamed Talaat
رمضان مابيحلاش غير باللمة، سواء على الفطر أو لما تنزل أطباق الحلو و‘حنا بنتفرج على التليفزيون والكل يتسامر ويحكي عن ذكرياته مع رمضان زمان، وطبعًا كل واحد مننا بيحب نوع حلويات معين أكتر من أي أنواع تانية، فيه اللي بيحب القطايف، واللي بيميل للكنافة، والبسبوسة والكيكة والجلاش كمان لهم روادهم في رمضان، وعلشان كده خلال السطور الجاية هنعرفكم على 5 محلات في القاهرة بيبيعوا أحلى حلويات رمضان 2021.
بنفكركم إن كل ما هتكتروا في أكل الحلويات كل ما فرص تعبكم بتزيد، والأحسن ناكل كميات صغيرة جدًا، وبننصح مرضى السكري يبعدوا خالص عن الحلويات علشان صحتهم.
حلواني الحلمية
أعظم حلويات بالسمنة البلدي واللي طعمها ماحدش يقدر يقاومه، وهو من الحلوانية القدام واللي من زمان شغالين في الحلويات بكل أنواعها، ويستحق لقب “ملك البسبوسة”.
العنوان: 17 شارع سكة راتب باشا الكبير، الدرب الأحمر.
رقم التليفون: 023900017
وتقدروا تعرفوا أكتر عن حلواني الحلمية بزيارة صفحة الفيسبوك من هنا.
ماندرين قويدر
من أجمل المحلات اللي بتوفر أغلب أنواع الحلويات الشرقية، وكمان مميزين في الافتكاسات بتاعتهم كل سنة، وبيقدموا عظمة في كل حاجة.
العنوان: 33 كورنيش النيل بجوار بنزينة توتال – مدخل المعادي 2.
رقم التليفون: 01288883638
وعلشان تعرفوا أكتر عن فروعهم التانية زوروا صفحتهم على الفيسبوك من هنا.
Pistachio Dessert
بالرغم من أنهم لسه جداد في السوق المصري إلا أنهم عاملين عظمة ونقلة مميزة في الحلويات الشرقية، وكمان عندهم أول متجر إلكتروني للحلويات في مصر.
العنوان: سينما بوينت ٩٠ – التجمع الخامس.
رقم التليفون: 01224488388
ولو عاوزين تعرفوا أكتر عن فروعهم التانية زوروا صفحتهم على الفيسبوك من هنا.
عبد الرحيم قويدر
مفيش حد داق ولا هيدوق الحلو من عبد الرحيم قويدر إلا ولازم يعلم معاه ويفضل في ذاكرته البقلاوة والبغاشة والبسبوسة وغيرها من الحلويات اللي بتتعمل بحب.
العنوان: 18 شارع عباس العقاد – مدينة نصر.
رقم التليفون: 01206665599
وعلشان تعرفوا أكتر عن فروعهم التانية زوروا صفحتهم على الفيسبوك من هنا.
إيتوال
كل سنة لازم يطلعوا بحاجة جديدة تقلب مصر، وطعم الحلويات عندهم حكاية، والسمنة والسكر مظبوطين بالميزان، وفروعهم في كل مكان.
العنوان: 92 شارع التحرير – الدقي.
رقم التليفون: 16312
وعلشان تعرفوا أكتر عن فروعهم التانية زوروا صفحتهم على الفيسبوك من هنا.
كل سنة وكل أهل القاهرة “الحلوين” بكل خير!
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
