The Definitive Guide to Living in the Capital , Cairo , Egypt

من العادات المصرية المميزة إننا في كل عيد لازم نخبز أو نشتري كحك العيد والبسكويت والبيتي فور والغريبة وغيرها من الحلويات اللي بنستناها من السنة للسنة. وفي السطور الجاية، هنقول لكم على أحدث أسعار كحك العيد 2025 من أشهر المحلات، واللي تقدروا تطلبوها أونلاين أو تزوروا الفروع بنفسكم.

لكن قبل ما تشتري، ننصحك تتأكد من جودة المنتجات والخامات المستخدمة، وتقارن الأسعار، وكمان تشتري بدري علشان يكون عندك فرصة للاختيار براحتك وما تضطرش تاخد اللي متاح وخلاص.

العبد

من أهم الأماكن اللي الناس بتلجأ لها علشان تشتري منتجات العيد والسنة دي عندهم البسكويت 36 قطعة بيبدأ من 130 جنيه، والكوكيز 30 قطعة من 140 جنيه، والكحك 16 قطعة من 145 جنيه وعلبة منين سادة 32 قطعة بـ150 جنيه، وبيتي فور 32 قطعة بـ155 جنيه، والغربية اللوز 36 قطعة بـ225 جنيه، أما علب المشكل تبدأ من نصف كيلو ب140 جنيه.

تقدروا تعرفوا أكتر عنهم من خلال صفحة الفسيبوك من هنا.

ساليه سوكريه

بيقدموا السنة مجموعة علب من منتجات العيد بجودة عالية، وعندهم هتلاقوا علبة بسكويت 650 جرام بسعر 220 جنيه، والكحك يبدأ من 190 جنيه لعلبة 550 جرام، والغريبة علبة 650 جرام بـ310 جنيه، والبيتي فور وزن 800 جرام بـ450 جنيه، أما علب المشكل 1 كيلو سعرها 400 جنيه.

تقدروا تعرفوا أكتر عنهم من خلال صفحة الفيسبوك من هنا.

إيتوال

شهرته كبيرة وحكايته عظيمة وشعاره “الحلو حلو” وبيقدموا علبة بسكويت 32 قطعة بيبدأ سعرها من 125 جنيه، وكحك 24 قطعة بسعر 145 جنيه، والغريبة 36 قطعة بتبدأ من 165 جنيه، وكوكيز دارك 36 قطعة بسعر 175 جنيه، وتارت وسابليه مشكل 20 قطعة بـ180 جنيه، ومنين سادة 40 قطعة بـ130 جنيه، والمعمول 24 قطعة يبدأ من 150 جنيه، والبيتي فور 32 قطعة بـ170 جنيه، وعلبة مشكل 1 كيلو تبدأ من 270 جنيه.

تقدروا تعرفوا أكتر عنهم من خلال صفحة الفيسبوك من هنا.

بيستاشيو

في عيد الفطر 2025 هما اختيارنا الأول وبنطلب كل سنة منه لكل أهلنا، وعندهم كيلو البسكويت بيبدأ من 280 جنيه، والكحك السادة والغريبة الكيلو بـ380 جنيه، وعلبة البيتي فور كيلو مشكل تبدأ من 440 جنيه، ومعمول العجوة السوري بـ485 جنيه للكيلو، وغريبة سوري الكيلو 545 جنيه، والبرازق السوري بـ590 جنيه للكيلو، وعلبة مشكل 1.2 كيلو بـ400 جنيه.

تقدروا تعرفوا أكتر عنهم من خلال صفحة الفيسبوك من هنا.

تسيباس

السنة دي عندهم علب مشكل فقط حتى كتابة المقال، وبتبدأ من 360 جنيه وبتحتوي على “كحك – بسكويت – غريبة – وبيتي فور مشكل”.

تقدروا تعرفوا أكتر عنهم من خلال صفحة الفيسبوك من هنا.

سيموندس

كل كحكاية بتحكي حكاية ومانقدرش منقولش أن سيموندس من أهم الأماكن اللي لازم تشتروا منها منتجات العيد، وعندهم السنة دي علبة كحك بـ495 جنيه، والغريبة تبدأ من 545 جنيه، وعلبة مشكل مخصوص صغيرة بـ485 جنيه.

تقدروا تعرفوا أكتر عنهم من خلال صفحة الفيسبوك من هنا.

لابوار

البسكويت عندهم بيبدأ من 275 للعلبة الصغيرة، والكحك من 450 جنيه، والغريبة من 550 جنيه للعلبة، وعلبة البيتي فور من 585 جنيه، وعلبة المشكل الوسط من 280 جنيه.

تقدروا تعرفوا أكتر عنهم من خلال صفحة الفيسبوك من هنا.

اكسيبشن

هتلاقوا عندهم علب كوكيز تبدأ من 40 قطعة ومن سعر 150 جنيه، والبسكويت 36 قطعة بـ150 جنيه، وكحك 16 قطعة يبدأ من 175 جنيه، وعلبة البيتي فور الصغيرة بـ180 جنيه، والغريبة 54 قطعة بـ200 جنيه، وعلبة مشكل العيد بتبدأ من 345 جنيه.

تقدروا تعرفوا أكتر عنهم من خلال صفحة الفيسبوك من هنا.

مونجيني

في عيد الفطر 2025 بيقدموا علب بسكويت ½ كيلو بسعر 125 جنيه، وعلب الكحك 250 جرام تبدأ من 75 جنيه، وعلبة بيتي فور تبدأ من 275 جنيه، وعلبة مشكل بسكويت وكحك تبدأ من 300 جنيه.

تقدروا تعرفوا أكتر عنهم من خلال انستجرام من هنا.