حفلات ومسرحيات ومعارض وأكثر.. مصر منورة بفعالياتها في الويك إند
حفلات الساقية حفلات العلمين خروجات خروجات في القاهرة خروجات وسهرات فنية سهرات العلمين سهرات القاهرة عروض فن تشكيلي معارض فنية
Cairo 360
الويك إند وصل! وفي إجازة نهاية الأسبوع بنبقى محتاجين أماكن مميزة نستمتع فيها بالفن والفعاليات الثقافية والأنشطة وغيرها علشان نقدر نرجع للشغل بحماس من تاني. ومن بين حاجات كتير بتحصل في العاصمة المصرية وخارجها، هنعرفكم على أبرز الفعاليات الفنية والثقافية والترفيهية، واللي أكيد هتخلي ويك إندك لذيذ!
يوم الخميس 8 أغسطس 2024
الضحك للركب في مسرحية السندباد للنجم كريم عبد العزيز على مسرح “يو أرينا” في مدينة العلمين الجديدة. سعر التذكرة بيبدأ من 500 جنيه.. لتفاصيل أكتر هنا.
لو بتحبوا الفن التشكيلي اوعوا يفوتكم حضور معرض امتزاج الأمل في زهوة آرت جاليري بوسط البلد. المعرض هيضم أعمال مختلفة لأكثر من 30 فنان موهوب.. والدخول مجانًا. اعرفوا نفاصيل أكثر من هنا.
وهتلاقوا أنشطة كتير جدًا تبسطكم في مهرجان الصيف الفني في أوديسي آرت جاليري. الدخول مجانًا.. لتفاصيل أكتر هنا.
أما عشاق الضحك فاستعدوا لأن تيم كنافة كوميدي نايت هيقدم لكم عرض كوميدي في ساقية عبد المنعم الصاوي. سعر التذكرة بيبدأ من200 جنيه.. لتفاصيل أكتر هنا.
وعلشان مزاجك يروق شوية، تقدر تحضر سهرة تسمع فيها كل أغاني الست أم كلثوم بمركز نُوار وسط البلد وسعر التذكرة 100جنيه.. التفاصيل كاملة هنا.
يوم الجمعة 9 أغسطس 2024
هترقصوا وتفتكروا أغاني التسعينيات في حفل لعصام كاريكا في نوتش بيتش.. للحجز والتفاصيل من هنا.
وعشاق الفن عندهم طلعة لسينما زاوية اللي هتبدأ في عرض فيلم “في شقة مصر الجديدة من بطولة خالد أبو النجا، غادة عادل، وعايدة رياض ومن إخراج محمد خان. سعر التذكرة 100 جنيه.. لتفاصيل أكتر هنا.
ومايفوتكمش حفل الإنشاد الديني المميز لفرقة “الإخوة أبو شعر” في ساقية الصاوي بتذكرة سعرها 130 جنيه.. التفاصيل من هنا.
وابنسطوا طول الليل في حفل الفنان محمود الليثي في نوتش بيتش.. للتفاصيل والحجز من هنا.
يوم السبت 10 أغسطس 2024
هتعيشوا المتعة الفنية في حفل الفنانة كارمن سليمان في مراسي.. التفاصيل والحجز من هنا.
ولكل عشاق الإنشاد الصوفي، فرقة الحضرة هتقدم حفل إنشاد على المسرح المكشوف في دار الأوبرا المصرية. سعر التذكرة بيبدأ من 250 جنيه.. لتفاصيل أكتر هنا.
استمتعوا بمسرحية “التليفزيون” على مسرح يو أرينا في العلمين الجديدة، بطولة حسن الرداد وإيمي سمير غانم وبدرية طلبة وسليمان عيد. سعر التذكرة بيبدأ من 300 جنيه.. لتفاصيل أكتر هنا.
شاركوا كجمهور في لقاء الإعلامي شريف مدكور مع الفنانة ديانا حداد على المسرح الروماني في مدينة العلمين الجديدة واسمعوا أحلى أغانيها معاه. سعر التذكرة بيبدأ من 300 جنيه.. لتفاصيل أكتر هنا.
ويك إند سعيد يا أهل مصر المحروسة!
مقترح
معالم وسياحة
مرسوم عليه أعداء مصر.. شوف "صندل" توت عنخ آمون في المتحف المصري الكبير
أعداء مصر المتحف المصري الكبير +3
كتب
