The Dark house .. أكبر بيت رعب بالقاهرة
The Dark house أكبر بيت رعب بالقاهرة بيت الرعب خروجات أصحاب خروجة أسرية
Mohamed Talaat
الألعاب في القاهرة مع الأجيال الجديدة بقت تاخد شكل مختلف خاصة في ظل أجيال بتحب روح المغامرة والرعب، وده اللي هتعيشوه في أحداث شبيه للحقيقة في أجواء مصممة بشكل هينقلكم في عالم تاني داخل The Dark house واللي يعد أكبر بيت رعي في القاهرة مش هتعرفوا تخرجوا منه إلا بعد معاناة، وهنقولكم على كل تفاصيله في السطور اللي جاية.
داخل Dark house هتعيشوا أحداث حقيقية لمدة 90 دقيقة أبطالها أنتوا، وهتدخلوا جوا بيت مخصص مصمم بشكل مختلف هينقلكوا لعالم تاني بكل الأدرينالين ولازم علشان ترجعوا للعالم بتاعكم تحلوا الألغاز اللي هتكون موجودة، وتقدروا تختاروا بين 4 بيوت موجودة وكل بيت له تفاصيل مختلفة عن التاني وفيهم قصة وحواديت وألغاز متنوعة.
البيت الأول “علي القصاص” اللي هتدخلوا جوا لعنة قرية بني مزار عشان تعرفوا تفاصيل الحادثة اللي اتسببت في اللعنة دي وإزاي تلاقوا فريدة اللي هتخرجكم من المكان ولو ملقيتوهاش مش هتخرجوا طول حياتكم من اللعنة، والبيت التاني هو “Lupine” وده المقر الرسمي لعالم الأرواح اللي بتسيطر على كل اللي بيدخلها وطبعًا لو اللغز متحلش مش هتخرجوا من البيت.
وفي البيت الرابع “قبر حمدان” وفيها بتعرفوا معنى “الغايب مسيره يوم ويعود” ويا تخرجوا منها يا يبقى مصيركم زي حمدان في المقبرة، أما البيت الرابع هو ” The Nun” واللي فيه هتكونوا بطل فيلكم المفضل لمدة 60 دقيقة وهتدخلوا في تحدي بشكل مباشر مع The Nun .
الحجز داخل The Dark House بيكون أقل عدد 5 أشخاص، ومواعيدهم من 2 الظهر لـ2 صباحًا، وسعر الفرد 400 جنيه، وهما دايمًا بيعملوا عروض على التيكتس وخصومات.
العنوان: 92 حسن المأمون، المنطقة السادسة، مدينة نصر.
رقم التليفون: 01030959882
تقدروا تعرفوا أكتر عنهم من خلال صفحة الفيسبوك من هنا.
