Immersive VR.. 100 لعبة بالواقع الافتراضي بالقاهرة
Immersive VR ألعاب مختلفة ألعاب واقع افتراضي خروجات القاهرة الجديدة خروجة جماعية
Mohamed Talaat
عمركم جربتوا تلعبوا ألعاب وتعيشوا جواها كأنها حقيقة، شفتوا بقى لما تخيلتم الفرحة ظهرت في عينيكم إزاي؟!، دلوقتي اللعب بنظارات الواقع الافتراضي أصبح حقيقة وسهل تلعبوه مع Immersive VR واللي هيخليكم تعيشوا تجربة مختلفة في واقع افتراضي بتفاصيل التفاصيل، وعلشان الخروجة دي متتفوتش قررنا نقولكم على كل تفاصيلها اللي هتخليكم تعيشوا تجربة مختلفة تمامًا.
Immersive VR هو لأوب مركز ألعاب بالواقع الإفتراضي وعندهم اكتر من 100 لعبة مختلفة تقدروا تلعبوهم سواء كنتوا مجموعة أو فرد واحد، والميزة فيها أنكم هتكونوا بنفسكم وجسمكم جوا اللعبة اللي هتختاروها، يعني هتتحركوا وتمشوا في الواقع الافتراضي، وعندهم ألعاب زي ( Adventure – Sports – Horror – Action – Cinematic – Experience) والألعاب دايما عندهم متجددة أسبوعيًا، ده غير مجموعة ألعاب للأطفال.
كمان عندهم أكتر من 20 لعبة مالتي تلعبوا بيها مع أصحابكم سواء معاهم أو ضدهم.
أما أسعارهم فبتكون بالوقت مش باللعبة يعني ممكن تلعبوا أكتر من لعبة في الوقت بتاعكم، وكل ما بيزيد عدد الأشخاص الحاجزين بيقل السعر، يعني لو فرد واحد حجز بيكون السعر 175 جنيه لمدة 30 دقيقة، و260 جنيه لمدة ساعة كاملة، أما لو أنتوا 4 أفراد فسعر 30 دقيقة 155 جنيه والساعة 230 جنيه للفرد، ولو عددكم 8 أفرا الـ30 دقيقة هيوصل سعرها 120 جنيه والساعة 165 جنيه، ده غير أنهم بيعملوا عروض حلوة بتوصل أنكم تاخدوا ضعف الوقت اللي بتحجزوه، وهما بيشتغلوا يوميًا من 2 ظهرًا حتى 12 صباحًا، وفي الويك إند بيستمروا لـ1 صباحًا، ومتاح تروحوا من غير حجز ولكن يفضل الحجز قبلها بيوم.
العنوان: 3Skies Plaza – شارع التسعين –القاهرة الجديدة – أمام بوابة 2 للجامعة الأمريكية.
رقم التليفون: 01201253335
تقدروا تعرفوا أكتر عنهم من خلال صفحة الفيسبوك من هنا.
